Սկանդալային բացահայտում. Ինչպես են եվրոպական մայրաքաղաքում «ժպտադեմ» երիտասարդները ուղղորդել բողոքի ցույցեր այլ երկրում
Յուրի Դուձը, որը ռուսալեզու հեղինակային ինտերնետ-շոու է վարում՝ «вДудь»-ը, իրապես ցնցող հարցազրույց է վարել օրեր առաջ:
Նա բացահայտել է բելառուսական բողոքի ակցիաներ կազմակերպող «մեդիան»՝ իրականությունում:
Ահա, Յուրի Դուձը Լեհաստանի մայրաքաղաք Վարշավայի կենտրոնում այցելել է երիտասարդ բելառուսներ, որոնք գործում են «Բելառուսական տանը», որը գտնվում է Վարշավայում:
Երիտասարդ ղեկավարը խոստովանում է, թե որտեղից են ֆինանսավորվում...
Բելառուսական NEXTA տելեգրամ ալիքի հիմնադիր, Մինսկի երբեմնի բնակիչ Ստեպան Սվետլովի (Պուտիլո-իրական ազգանունը) խոստովանությունները, իրապես, ցնցող են...
Նա արձանագրում է, որ «Բելառուսական տունը» մի յուրահատուկ դեսպանատուն է Լեհաստանում, որտեղ դասընթացներ են անցկանցվում, ակցիաներ կազմակերպվում: Բոլոր նրանք, ովքեր փախել են Բելառուսից, և հայտնվել են Լեհաստանում, նրանք այդտեղ կարող են հավաքվել, հարցեր քննարկել, ակցիաներ կազմակերպել Բելառուսի իրավիճակի առնչությամբ:
Պարզվում է, Լեհաստանի տարբեր կազմակերպություններ ու հիմնադրամներ ֆինանսավորում են այդ «Բելառուսական տունը», որտեղ աշխատում են բելառուս երիտասարդներ: Նրանք այդ մասին բացեիբաց հայտարարում են այդ մասին:
«Ռուսական սպեցնազն արդեն Մինսկում է», բոլորը հիշում են այս տեղեկությունը Մինսկում բողոքի ցույցերի թեժ պահին: Ահա, Դուձը հարցնում է, ո՞վ է հրապարակել այդ տեղեկությունը: Ստեպան Սվետլովը ժպտալով խոստովանում է՝ հենց ինքը:
Բայց ինչպե՞ս այդ տեղեկությունը ջրի երես դուրս եկավ ու տարածվեց աշխարհով մեկ որպես ռուսական միջամտության «վառ ապացույց»:
Ուղղակի անհավատալի է…
Պարզվում է Վարշավայում նստած բելառուս երիտասարդները «վստահել» են իրենց բելառուս բաժանորդներին, որոնք էլ Մինսկից ինչ-որ վատ որակի տեսանյութ են ուղարկել, որտեղ էլ իբր «ռուսական սպեցնազն» է եղել պատկերված:
Հիմա արդեն, Ստեպան Սվետլովը, երջանիկ հայացքով ներողություն է խնդրում կեղծ տեղեկատվություն տարածելու համար:
Իրականում ամեն ինչ ոչ թե ծիծաղելի է, այլ իսկապես ողբերգական: Մի խումբ բելառուս երիտասարդներ նստած Վարշավայում՝ լեհական գումարներով, և վստահաբար ոչ միայն, աշխատում են, համապատասխան քարոզչություն են իրականացնում ընդդեմ Բելառուսի իշխանությունների:
Այսինքն, երբ խոսք է գնում Սորոսի կողմից հետխորհրդային պետություններում կոնկրետ ծավալվող աշխատանքի մասին, պետք է հասկանալ, որ այդ ամենն իսկապես վերջին շրջանում ավելի դաժան քաղաքականություն է դարձել:
Այո, Լուկաշենկոն բազմամյա առաջնորդ է, շատ բնական է, որ իր երկրում հազարավոր, նույնիսկ հարյուր հազարավոր մարդիկ հոգնել են նրա իշխանությունից, ցանկանում են, որ նա հեռանա:
Բայց մյուս կողմից մենք գործ ունենք մի փաստի հետ, որի հետ պետք է հաշվի նստել: Իսկ իրականությունը հետևյալն է. Արևմտյան ֆինանսավորմամբ շատ երկրներում, այդ թվում և Բելառուսում ուղղորդվում ու տարվում են գործընթացներ՝ կոնկրետ ֆինանսավորմամբ, կոնկրետ արևմտյան շահերին համահունչ:
Մետաքսյա Շալունց
Հետևեք մեզ Viber-ում
