«Օդային» նսեմացում. Ինչպես ռուսները որսացին ՆԱՏՕ-ի 2 ռազմական ինքնաթիռ

ԱՄՆ և Հյուսիս-Ատլանտյան դաշինքի ռազմածովային ուժերը համատեղ զորավարժություններ են անցկացրել Սև ծովում։ Մինչ այդ համատեղ զորախաղեր էին տեղի ունեցել նաև Ադրիատիկ ծովում։ Մանևրներին մասնակցել են ամերիկյան «Ռուզվելտ» մեծ ռազմանավը, P-8 ամերիկյան հետախույզ ինքնաթիռը, ինչպես նաև գերմանական E-3A ՆԱՏՕ-ական ինքնաթիռը, որը ունի վերահսկման և վաղ արձագանքման AWACS համակարգ։

Ռուսական Սու -27 կործանիչը Բալթիկ ծովի վրա «որսացել» է ամերիկյան ռազմածովային ուժերի P-8A «Պոսեյդոն» հականավային հետախուզական ինքնաթիռը: Տեսանյութը հրապարակել է RIA Novosti-ի Telagram-ի ալիքը:

Կադրերը նկարահանվել էին ռուս օդաչուի խցիկից: 30 վայրկյան տևողությամբ տեսանյութում երևում է, թե ինչպես է ամերիկյան հետախուզական ինքնաթիռը թռիչք կատարում ամպերի միջով, իսկ ռուսական կործանիչը՝ հետապնդում աջից:

Ավելի վաղ ռուսական Սու -27 կործանիչը Սև ծովի չեզոք ջրերի տարածքում «որսացել» էր ՆԱՏՕ-ի երկու ռազմական ինքնաթիռ, որից մեկը պատկանել է ԱՄՆ-ին, մյուսը՝ Մեծ Բրիտանիային։

Ռուսական գերազանցությունը արևմուտքի նկատմամբ՝ անշուշտ կարևոր է այս օրերին:
Ուկրաինայում օրեր առաջ սկսվեցին ՆԱՏՕ-ի հետ համատեղ զորավարժությունները
Մոտ 4000 ռազմական անձնակազմ, ինչպես նաև ծանր ռազմական տեխնիկա և ինքնաթիռներ կմասնակցեն «Rapid Trident-2020» զորավարժություններին Լվովի մարզում`Յավորովի մարզադաշտում։ Վարժանքները կավարտվեն սեպտեմբերի 25-ին:
Բացման արարողության ժամանակ Ուկրաինայի նախագահ Զելենսկին ՆԱՏՕ-ին անդամակցությունն անվանել է ռազմավարական դասընթաց երկրի համար և ավելացրել, որ զորավարժություններն անհրաժեշտ են նաև ուկրաինական բանակը Հյուսիսատլանտյան դաշինքի կառույցներին հարմարեցնելու համար:

ՆԱՏՕ-ի հետ համատեղ ուկրաինական զորավարժությունները տեղի են ունենում Ռուսաստանի և Բելառուսի «Սլավոնական եղբայրների» զորավարժությունների հետ միաժամանակ, որին մասնակցում է շուրջ 800 մարդ, և դրանք նույնպես կտևեն մինչև սեպտեմբերի 25-ը: Այս շաբաթ Ալեքսանդր Լուկաշենկոն հայտարարեց զորավարժությունների երկրորդ փուլի մասին:

Զորավարժությունների շքերթ է կարծես Ռուսաստան-Արևմուտք՝ հնարավոր ավելի հզոր առճակատումից առաջ: Մոսկվան ցույց է տալիս, որ ցանկացած զորավարժությանն արևմուտքի կողմից՝ համարժեք կարձագանքի, եթե հարկ լինի:

Մետաքսյա Շալունց