Փաշինյանի կարճ հիշողությունը. ինչպես են իր քթի տակ «քցել» իրանցի ներդրողին
Ազգային ժողվում կառավարության վերջին հարցուպատասխանից հետո բացահայտված իրականությունը ճշգրտորեն ցույց է տալիս մեր երկրում տնտեսության վիճակը,ավելի ճիշտ տնտեսական թշվառությունը: Հարցուպատասխանի ժամանակ «Լուսավոր Հայաստան» խմբակցության պատգամավոր Արմեն Եղիազարյանը հարց ուղղեց վարչապետ Նիկոլ Փաշինյանին վերջինիս մասնակցությամբ բացված, այնուհետև փակված գործարանների վերաբերյալ։
Ըստ Եղիազարյանի՝ Փաշինյանը մասնակցել էր նաև Վանաձորում մեքենաների արտադրությամբ զբաղվող գործարանի բացմանը, որը ևս փակվել է։ Փաշինյանին զարմացրեց Եղիազարյանի այս պնդումը։
«Ես Վանաձորում մեքենաների արտադրության գործարան եմ բացե՞լ։ Բացե՞լ եմ։ Հա՞, բացե՞լ եմ։ Փաստորեն Վանաձորում մեքենաների արտադրության էն գործարանը, որը ես չեմ բացել, իմ բացելուց հետո փակվել է։ Շատ լավ է» — արձագանքեց Փաշինյանը։
Ապա նաեւ սկսեց ոչ ադեկվատ մեղադրանքներ ներկայացնել, թե այդ առաջ էր, որ եթե բացմանը գնում էին, ապա 5 կամ ավելի տոկոս այդ գործարանում փայ ունեին, իսկ հիմա, որ ինքը գնում է, ուզում է ասել, որ տնտեսական գործունեության համար հավասար հնարավորություններ են ապահովում:
Նախ,հետաքրքիր է՝ այդ ո՞ւմ «փայ ունենալն» ՝ իշխանությունն ապացուցել, երկրորդ, իսկ ո՞վ ասաց, որ նախկինները, եթե գնում էին մի որևէ ձեռնարկության բացման, դա չէին անում նույն այդ՝ տնտեսական գործունեության հավասար հնարավորություններ տալու կամ ցուցադրելու համար:
Եւ ամենագլխավորը, ի վերջո՝ հարցն այն է, որ գործարանը բացվել է, բայց որոշ ժամանակ անց չի աշխատում, ի՞նչ կարևոր է, թե ով ինչ փայ ունի կամ չունի այդ ձեռնարկությունում:
Ի դեպ, մինչ գործադիրի ղեկավարն ԱԺ ամբիոնից նման «կրուտիտներ» էր անում, «Լուսավոր Հայաստան» խմբակցության պատգամավորները՝ Էդմոն Մարուքյանը և Արմեն Եղիազարյանը, սկսեցին տարածել Փաշինյանի մասնակցությամբ Վանաձորում դեռևս 2018 թ. դեկտեմբերին գազաբալոնների արտադրությամբ զբաղվող գործարանի բացման վերաբերյալ լուրը՝ պնդելով, որ տեսանյութում Փաշինյանը մասնակցել է նաև մեքենաների արտադրությամբ զբաղվող գործարանի բացմանը, ինչպես նաև փորձարկել է արտադրվող մեքենան։
Այո, միգուցե, Փաշինյանն իսկապես մոռացել էր, որ մասնակցել է նման գործարանի բացմանը, քանզի իշխանության՝ ի դեմս Փաշինյանի համար կյանքը ցույց է տվել, որ մեկ է , թե ինչ կաշխատի, ինչ չի աշխատի, նրանք իրենց փիառի տերն են, մասնակցել, փիառվել են, ու շուտ մոռացել այդ գործարանի, դրա ճակատագրի մասին: Դա է պատճառը, որ այսօր, ինչպես բացահայտվեց, գործարանն իրականում չի աշխատում:
Ավելին, ինչպես հին Հայաստանում էր, հիմա էլ հայ գործարարը քել է իրանցի իր գործընկերոջը եւ դա է պատճառը, որ համատեղ բիզնեսը կյանքի չի կոչվել:
Հետևեք մեզ Viber-ում
