Ստի ու կեղծիքի արքան

Վարչապետի պաշտոնը զբաղեցնող Նիկոլ Փաշինյանն ԱԺ ամբիոնից աշնանային նստաշրջանի անդրանիկ հարցուպատասխանը նշանավորեց ստերի շարանով, կամ անադեկվատ հայտարարություններով, ակնհայտ էր նաեւ մի բան, սույն պարոնը կարծես ամնեզիայով է տառապում, կամ իր աչքի գերանը մոռացած ուրիշների չեղած չոփն էր մատնանշում: Այսպիսով՝ մինչ չպարզաբանված են մնում իր եւ իր ընտանիքի տարբեր բիզնեսներին առնչությունը՝ մաքսանենգ ծխախոտից սկսած, զենքի բիզնեսով վերջացած, այս մարդը կրկին մերկապարանոց մեղադրանքներ է ուղղում նախկիննեի ուղղությամբ,նրանց մեղադրում չաշխատող գործարաններում փայ ունենալու մեջ, թե բա իրենք ժամանակին մասնակցել են այն գործարանների բացմանը, որտեղ փայ են ունեցել, իսկ ինքը պարզապես է մասնակցում եւ չի կարող պատասխանատվություն կրել, թե ինչու այդ գործարանները չեն աշխատում, աշխատատեղ ու արտադրանք ստեղծում: Նա իր վիճակագրության նկարած չոր թվերի տերն է. «Ինչ վերաբերվում է տնտեսական թռիչքին 2019 թվականի արդյունքներով Հայաստանը վերջին, կարծեմ, 13 տարվա ընթացքում աննախադեպ տնտեսական աճ է ունեցել։ Հայաստանը հունվար-փետրվար ամիսների տնտեսական ակտիվության ցուցանիշի 9 տոկոսը գերազանցել է, իսկ հետո եկել է կորոնավիրուսը, և հիմա ամբողջ աշխարհը կորոնավիրուսի պատճառով տնտեսական անկում է արձանագրում։ Հիմա Դուք այսպիսի բան եք անում, թե ի՞նչն է պատճառը, գնացեք այդ գործարանների տերերին հարցրեք։ Օրինակ՝ կարող է պատճառներից մեկը լինի այն, որ այդ գործարանների սեփականատերերից մեկը մի շատ հայտնի կոռուպցիոն գործով հետախուզման մեջ է և Հայաստանը լքել է»։

Հետո հայտարարեց, թե «ՍԴ ճգնաժամը» վերջացել է: Մինչդեռ ՍԴ ճգնաժամ չկար մինչ այն պահը, երբ վարչապետի պաշտոնը զբաղեցնող սույն պարոնը չորոշեց, որ իրեն իր վնգստացող դատավորներն են պետք: Ըստ էության՝ ոչ թե ՍԴ ճգնաժամն է վերացել, այլ ՍԴ-ն ինքնին, մի քանի ամիս է այստեղ ոչ նիստեր են գումարվում, ոչ աշխատանքներ են իրականացվում, դժվար է ասել, թե առաջիկայում այն կգործի բնականոն հունով եւ կարելի է ասել ՍԴ ճգնաժամը դեռ նոր է սկսվելու:

Հաջորդը՝ հայտարարեց, թե «ասում էին՝ կորոնավիրուսն ու՞մ շունն է, բարի մարդկանց չի կպնում..»: Հասկանալի է, որ ակնարկը ԲՀԿ նախագահ Գագիկ Ծառուկյանին էր ուղղված, ընդհանրապես իշխանականների վերջին օրերի ելույթներում կարմիր թելի պես անցնում է Ծառուկյանին քննադատելու մոլուցքը, սակայն Փաշինյանը մոռանում է, որ առաջինը ինքն ու իր թիմն էին ծաղրում ու հեգում կորոնովիրուսը, իր առողջապահության նախարարն ասում էր՝ սովորական վիրուս է, դիմակ կրել պետք չէ, ինքն էլ անտեսելով վիրուստ լծվել էր ԱՅՈ-ի քարոզարշավին ու հենց այդ արշավի ընթացքում էր, որ հայտարարեց, թե կորոնավիրուսն ում շունն է, պինցետով ու արաղով արմատախիլ կանեենք:
Նիկոլ Փաշինյանին թվում է, թե ժողովուրդը բացարձակ հիշոողություն կամ տեսողություն չունի, ոչ տեսնում, ոչ էլ հիշում է ով ինչ է ասում, ով ինչ է անում:

Անի Սահակյան