Սահմաններին նոր լարվածության ռեժիմում. ինչո՞ւ է Ադրբեջանն անպատիժ զգում
Մայիսի 16-ին և լույս 17-ի գիշերը արցախա-ադրբեջանական հակամարտ զորքերի շփման գծում հակառակորդը տարբեր տրամաչափի հրաձգային զինատեսակներից, հրադադարի պահպանման ռեժիմը խախտել է մոտ 60 անգամ՝ հայ դիրքապահների ուղղությամբ արձակելով ավելի քան 900 կրակոց: Բացի հրաձգային զինատեսակներից, ադրբեջանական զինուժը շփման գծի արևելյան ուղղությամբ կիրառել է 82 (4 արկ) և 120 միլիմետրանոց ականանետեր (17 արկ), իսկ հյուսիսարևելյան հատվածում՝ 60 (4 արկ) և 82 միլիմետրանոց ականանետեր (15 արկ) ու հաստոցավոր հակատանկային նռնականետ (5 արկ): Մայիսի 15-ին մի տեղեկատվություն հայտնվեց նախ ադրբեջանական կայքերում, ապա նաև այն Արցախի պաշտպանության նախարարությունը հաստատեց: Ադրբեջանը կառավարվող հրթիռից կրակ էր բացել ՊԲ ռազմական օբյեկտի ուղղությամբ Մայիսի 15-ին՝ ժամը 16:30-ի սահմաններում, արցախա-ադրբեջանական սահմանի արևելյան ուղղությամբ հակառակորդը դիմել է հերթական սադրանքի՝ կառավարվող: Արցախի ՊՆ-ն, սա հերթական սադրանք էր անվանել, նշելով, որ «հրթիռից կրակ վարելով պաշտպանության բանակի ռազմական օբյեկտի ուղղությամբ, ինչի արդյունքում մասնակի վնասվել է մեկ ռազմական տեխնիկա»: Արցախի ՊՆ-ն հայտարարել էր, որ ադրբեջանական զինուժի սադրանքն անպատասխան չի մնալու, իսկ հետևանքների ողջ պատասխանատվությունը կրելու է Ադրբեջանի ռազմաքաղաքական ղեկավարությունը: Ապա Արցախի ՊՆ-ն հայտնեց, որ մայիսի 15-ին և լույս 16-ի գիշերը արցախա-ադրբեջանական հակամարտ զորքերի շփման գծում հակառակորդը բացի հրաձգային զինատեսակներից ադրբեջանական զինուժը շփման գծի տարբեր հատվածներում կիրառել է նաև 60 միլիմետրանոց ականանետ (3 արկ) և հաստոցավոր հակատանկային նռնականետ (9 արկ): Իսկ ՊԲ արևելյան ուղղությամբ հակառակորդը կիրառել է «ՍՊԱՅԿ» տիպի կառավարվող հրթիռ, ինչի արդյունքում մասնակի վնասվել է մեկ ռազմական տեխնիկա: Հայաստանի ՊՆ-ն խստորեն դատապարտեց ադրբեջանական զինված ուժերի սադրիչ գործողությունները, նշելով, որ դրանք հետևանքների պատասխանատվությունն ամբողջությամբ կրելու է Ադրբեջանի ռազմաքաղաքական ղեկավարությունը: Արդյոք Ադրբեջանի քայլն ընդամենը «հերթական սադրանք» է՞, որի արդյունքում, փաստորեն խափանվել է մարտական տեխնիկայի մեկ միավոր, իսկ դա` ՀՕՊ միջոց էր: Ադրբեջանը, փաստացի, ՀՕՊ միջոցի ոչնչացման համար ժամանակակից հրթիռ է օգտագործել: Արդյոք հայկական կողմը ունի՞ բավարար հիմքեր պնդելու, որ ադրբեջանական կողմը դիմել է «հերթական սադրանքի», այլ ոչ թե սանձազերծում ռազմական նոր գործողություններ, կամ` ավելի լայնածավալ պատերազմ, քան ապրիլի քառօրյան էր: Ադրբեջանը երբեք չի թաքցրել, որ պատրաստվում է նոր պատերազմի, իսկ ռազմական փորձագետների համոզմամբ` հաջորդ պատերազմը լինելու է գերճշգրիտ զինատեսակների պատերազմ, ժամանակակից սպառազինության պատերազմ, և այն բոլորովին էլ նման չի լինելու ոչ 90-ականների ղարաբաղյան պատերազմին, ոչ էլ ապրիլյան քառօրյային: Իհարկե, չհպարտանալ մեր զինվորների հայրենասիրությամբ, քաջությամբ ու սպաների նվիրումով` չենք կարող, մանավանդ, որ նրանց ոգին հպարտանալու առիթ է: Իսկ ինչ դասեր քաղեցին Հայաստանի իշխանությունները, այստեղ խոսքը նախևառաջ Հայաստանի դիվանագիտության պատասխանատուներին է վերաբերվում: Ինչ արեց Հայաստանի ԱԳՆ-ն, որպեսզի Ադրբեջանն այսօր իրեն անպատիժ չզգա ու չդիմի «հերթական սադրանքի»: Խնդիրը շատ կոնկրետ է և հարցը բավական հստակ` ապրիլից ղարաբաղյան կարգավորման գործընթացը, այսպես ասած, Ռուսաստանի ձեռքում է` Հայաստանի «դաշնակից» Ռուսաստանի, հետևաբար` ինչու՞ է Ադրբեջանն այդքան անպատիժ իրեն զգում... Ի դեպ, հաշվի առնելով ադրբեջանական լրահոսի տարածած կեղծ տեղեկությունները, չի կարելի բացառել, որ այդկերպ Բաքուն ոչ միայն փորձում է արդարացնել 2 օր առաջ իր գործողությունները, այլև իրավիճակն էլ ավելի սրելու քաղաքականություն է իրականացնում: Երեկ ադրբեջանական քարոզչամեքենայի կողմից շրջանառվեց կեղծ տեղեկատվություն այն մասին, թե իբր հայկական կողմը նպատակ ուներ խոցելու Ադրբեջանի պաշտպանության նախարարի Հասանովին տեղափոխող ուղղաթիռը: Թամար Բագրատունի