Հերթական դավադրությանը սպասելիս

«Մարտի 1-ի» գործով տուժողների իրավահաջորդների ներկայացուցիչ, փաստաբան Տիգրան Եգորյանը հայտարարել է, որ դադարեցնում են դատական նիստերին իրենց մասնակցությունը:
Եգորյանը և «Մարտի 1-ի» գործով տուժողների իրավահաջորդներն ու մյուս ներկայացուցիչները կարծում են, որ գործ ունենք դատական ֆարսի հետ, ուստի նպատակահարմար չէ իրենց մասնակցությունը:

Մասնավորապես, Տիգրան Եգորյանն ասել է, թե «Մարտի 1-ի» գործով դատախազությունը չի դրսևորել բավարար կամք և ջանքեր՝ համակարգված և հետևողականորեն քրեական հետապնդումներ իրականացնելու համար, առանձին դեմքեր հնարավորություն են ստանում խուսափել քննությունից և այլն:
Տիգրան Եգորյանը, որը ներկայացնում է զոհերի իրավահաջորդների շահերը, իշխանություններին մի շարք խնդիրների լուծման հարցում հայտարարել է «անընդունակ»․«Դատախազությունը «Մարտի 1-ի» գործով չէր դրսևորում բավարար կամք և ջանադրություն քրեական հետապնդումները համակարգված և հետևողականորեն իրականացնելու ուղղությամբ, առանձին դեմքեր հնարավորություն էին ստանում խուսափելու քննությունից, ․․․ազատվելու քրեական հետապնդումից: Նախագահող դատավորն իր իշխանությունը կարողանում է իրականացնել միայն տուժողների իրավահաջորդների նկատմամբ: Այդ պատճառով էլ մենք դադարեցնում ենք մեր ֆիզիկական մասնակցությունը այդ անբովանդակ միջոցառմանը»։ Բացի այդ, փաստաբանը սաբոտաժ է համարում մարտի մեկի գործի նյութերի անհետացումն Ազգային անվտանգության ծառայության արխիվից։

Հիշեցնենք, որ 2019 թ–ի մայիսին Նիկոլ Փաշինյանը հայտարարեց թղթապանակի անհետանալու մասին, հետո լուրեր սպրդվեցին, որ դրանք մարտիմեկյան գործին են վերաբերում:Թե ինչու մեկ տարուց ավել է այս անհետացման փաստով իրավական գործընթաց չի սկսվում, կարելի է հասկանալ՝ իշխանություններին պետք չէ, ուստի կարելի է ենթադրել, որ այդ փաստաթղթերն էլ պատահական չեն անհետացել:
Ինչ վերաբերում է դատախազության <<անգործությանը>>, կարծում ենք քչերը կհամաձայնեն այս մեղադրանքի հետ, քանզի այս ողջ ընթացքում հանրության աչքի առաջ է եղել, թե ինչպիսի քրտնաջան աշխատանք են թափում գլխավոր դատախազն ու մեղադրող դատախազերն այս գործով: Աբսուրդային ձեւակերպումներով լրացնում մեղադրանքը: Այլ հարց է, որ գործը շինծու և պարզ ասած՝ «ջուր» է, որով մեղադրանքներ են ներկայացված նաեւ երկրորդ նախագահ Ռոբերտ Քոչարյանին և 2008-ին պետական բարձր պաշտոններ զբաղեցնող մի շարք այլ գործիչների (Արմեն Գևորգյանին, Սեյրան Օհանյանին, Յուրի Խաչատուրովին):

Ավելին, ի հեճուկս Նիկոլ Փաշինյանի այն հայտարարության, որ Մարտի 1-ի գործը բացահայտված է, արդեն շատերին է ակնհայտ, որ այսպես կոչված «Մարտի 1-ի» այդ գործում ըստ էության մարտի 1-ի իրադարձությունների անմիջական արտացոլում ու բացահայտում չկա, չկա կոնկրետ 10 մարդու, այդ թվում՝ ՆԶ երկու զինծառայողների և ոստիկանությանը դիմադրություն ցույց տվող բազմությունից 8 քաղաքացու սպանությունների բացահայտում: Միգուցե, զոհերի իրավահաջորդներն ու նրանց ներկայացուցիչը հասկացան սա եւ այլեւս չեն պատրաստվում խամաճիկ դառնալ իշխանության ձեռքին, որոնք երկու տարի շարունակ այս մարդկանց ուղղարկում էի դատարան ընդդեմ Քոչարյանի շոուն ապահովելու համար: Հատկապես, որ իրենց փոխհատուցումը ստացել են ու հասկանում են, միգուցե այլեւս իրնց ակնկալիքները բավարարված են: Չի բացառվում, անշուշտ, որ սա որոշակի հաշվարկով արվող սադրանք լինի, ավելի ճիշտ շանտաժ, ճնշում իշխանություններին ուղղված: Նրանք այսպիսով միգուցե ցանկանում են Նիկոլ Փաշինյանին ֆորա տալ իրականացնելու դատական իշխանության եւ մասնավորապես այս գործի հետ կապված հերթական դավադրությունը:

Անի Սահակյան