«Հրապարակ». Արտաշատում էպոխա է ավարտվում. Իշխանության մեսիջը ընտրություններից առաջ

«Հրապարակ» թերթը գրում է. «Վարչապետ Կարեն Կարապետյանը երեկ աշխատանքից ազատել է Հովիկ Աբրահամյանի ամենամտերիմ մարդկանցից մեկին՝ Արտաշատի մարզպետարանի աշխատակազմի ղեկավար Արմեն Մարգարյանին, ով մարզպետարան էր տեղափոխվել նախկին մարզպետ Ռուբիկ Աբրահամյանի պաշտոնավարման տարիներին։ Մարգարյանը հայտնի է խարդավանքներ հյուսելու իր «շնորհքով» ու բոլոր ընտրությունների ժամանակ Հովիկ Արգամիչի ընտրական կամպանիաների գլխավոր դերակատարներից է եղել։ Նրան, սակայն, խորհրդարանական ընտրություններին չընդգրկեցին ընտրական հանձնաժողովների կազմում, ինչից հետո արդեն խոսվում էր մոտալուտ «հրաժեշտի» մասին։ Թե ինչու հիմա որոշեցին ազատվել Արմեն Մարգարյանից, հստակ պատճառներ հայտնի չեն, սակայն, ոչ պատահական զուգադիպությամբ, նա աշխատանքից ազատվեց այն օրը, երբ Արտաշատի քաղաքապետի պաշտոնից ինքնակամ հրաժեշտ տվեց Արգամ Աբրահամյանը, որը պատգամավորի մանդատ է ստացել։ Մարգարյանի ազատվելն Արտաշատի քաղաքապետի արտահերթ ընտրություններից առաջ մարզում մեսիջ են համարում, որ Արտաշատում ավարտվում է Աբրահամյանների թագավորության դարաշրջանը»: Առավել մանրամասն՝ թերթի այսօրվա համարում