Էդ ինչի՞ կոկորդիլոսները կարող են թռչունի և սողունի սինթեզ լինել, իսկ ճապոնացիները կորեացիների և չինացիների սինթեզ լինել չեն կարող
Հա, լավ, ի՜նչ մի աղմուկ եք բարձրացրել ճապոնացիների «էթնոգենեզի» վերաբերյալ Սինանյանի բացահայտումներից։ Էդ ինչի՞ կոկորդիլոսները կարող են թռչունի և սողունի սինթեզ լինել, իսկ ճապոնացիները կորեացիների և չինացիների սինթեզ լինել չեն կարող։
Շնորհակալ եղեք, որ չի ասում` հայերը եգիպտացիների և հրեաների սինթեզ են (նրանց, էլի, որ Տիգրան Մեծը բերել, բնակեցրել էր Հայաստանում, որ «շենացնի» մեր երկիրը, կամ` մենք աղվաններից ենք առաջացել. տարածաշրջանի «ամենահինավուրց ազգերից» մեկի` ադրբեջանցիների հետ խաչասերման ճանապարհով։
Կարևորն այստեղ այն է, որ մեզ օր-օրի վարժեցնում են մեր դեմոգրաֆիական խնդիրները այլազգիներին` հնդիկներին, արաբներին, ինչու չէ` քրդերին և ասորիներին ուծացնելու կամ նրանց հետ ուծացվելու` «սինթեզի» հաշվին լուծելու «գաղափարի» հետ։
Իսկ թե ինչ նոր «էթնոս» կարող է առաջանալ մի 2000 տարի անց հայոց աշխարհում` այն բանից հետո, երբ Սինանյանի և իրեն Սփյուռքի հարցերով հանձնակատար նշանակողի ջանքերով 2050թ. Հայաստանի բնակչության թիվը առնվազն 5 միլիոնի հասցնելու «ռազմավարական ծրագիրն» աշխատի, կարևոր չէ...
Լիլիթ Պողոսյանի ֆեյսբուքյան էջից
Հետևեք մեզ Viber-ում
