«Զվարթնոց» հյուրանոցային համալիրի դիմաց բախվել են Toyota Camry-ն և Nissan-ը
![«Զվարթնոց» հյուրանոցային համալիրի դիմաց բախվել են Toyota Camry-ն և Nissan-ը](/timthumb.php?src=/disc/27-08-20/2e65311c452c9db5de38271a9194c4a1.jpg&w=708)
Այսօր, օգոստոսի 27-ին, ավտովթար է տեղի ունեցել Արմավիրի մարզում։ Ժամը 15։00-ի սահմաններում Երևան-Արմավիր ավտոճանապարհի 18 կմ հատվածում, «Զվարթնոց» հյուրանոցային համալիրի հարևանությամբ, բախվել են 40-ամյա Լիլիթ Մ․-ի վարած Nissan մակնիշի և 42-ամյա Դավիթ Ս-ի վարած Toyota Camry մակնիշի ավտոմեքենաները։ Ինչպես հայտնում է ֆոտոլրագրող Գագիկ Շամշյանը, վթարի հետևանքով վարորդներից Դավիթ Ս․-ն տեղափոխվել է «Վաղարշապատ» բժշկական կենտրոն։ Օպերատիվորեն դեպքի վայր են ժամանել Արտակարգ իրավիճակների նախարարության Փրկարար ծառայության Արմավիրի մարզային փրկարարական վարչության Վաղարշապատի հրշեջ-փրկարարական ջոկատը 1 մարտական հաշվարկով։ Օպերատիվորեն ժամանել են նաև Ճանապարհային ոստիկանության 2-րդ սպայական գումարտակի 1-ին վաշտի 1-ին դասակի ծառայողները՝ վաշտի հրամանատար Գրիգոր Պողոսյանի, դասակի հրամանատար Մառլեն Սարգսյանի գլխավորությամբ։ Տեղում հետաքննչական աշխատանքները ղեկավարել է նույն վաշտի ավագ հետաքննիչ Նարեկ Պետրոսյանը, ում կողմից փաստի առթիվ նյութեր են նախապատրաստվում։