Դավիթ Հարությունյանը ՀՀ արդարադատության նախարա՞ր

ԱԺ ընտրություններից հետո, տևական ժամանակ է՝ քաղաքական շրջանակներում և մամուլում ՀՀ արդարադատության նոր նախարարի անուններ են շրջանառվում։ «168 Ժամ»-ի տեղեկություններով, սակայն, այդ պաշտոնում նոր կառավարության ձևավորումից հետո կնշանակվի ՀՀ կառավարության աշխատակազմի ղեկավար-նախարար Դավիթ Հարությունյանը։ Թերթը հիշեցրել է, որ վերջինս 1997-1998թթ. զբաղեցրել է ՀՀ արդարադատության նախարարի առաջին տեղակալի, այնուհետև 1998-2007թթ.՝ ՀՀ արդարադատության նախարարի պաշտոնը։ Կառավարության աշխատակազմի ղեկավար-նախարարի պաշտոնը, ամենայն հավանականությամբ, կզբաղեցնի Աշխատակազմի ղեկավար-նախարարի առաջին տեղակալ Վահե Ստեփանյանը։ Վերջինս այդ պաշտոնում է նշանակվել 2016թ. սեպտեմբերից։ Մինչ այդ նա աշխատել է «ՀայՌուսգազարդ» ՓԲԸ-ում, ապա «Գազպրոմ-Արմենիա» ՓԲԸ-ում։ Ի դեպ, թերթի աղբյուրները նաև նշում են, որ նոր կառավարության կազմում փոփոխությունները չափազանց քիչ են լինելու։