Իշխանության ներսում պատերազմ է

Նիկոլ Փաշինյանը հայտնվել է իրեն բացահայտ աջակցած սորոսականների հետ առճակատման մեջ: Ավելի ճիշտ սորոսական ու ոչ սորոսական իշխանականների միջև բացահայտ առճակատում է սկսվել: Խնդիրն ամենեւին էլ ԱԺ փոխնախագահ Ալեն Սիմոնյանի «Սորոսն ում շունն է» արտահայտությունը եւ դրա առիթով բարձրացած սորոսական վայնասունը չէ, դա իշխանության ներսում ընթացող դիմակայության ու երկփեղկման միայն երևացող մասն է: Սորոսական շրջանակների անհանգիստ դրսեւեորումները բազում հարցերում վերջին ժամանակներս խիստ ակնհայտ է դարձել:
Թե ինչու, երևի ինչ-որ բան Փաշինյանն այն չի արել,քան ակնկալում էին, չնայած՝ կարծես հլու-հնազանդ բոլոր պահանջներն էլ կատարում է՝ բյուջեն բացել է նրանց առջեւ, լգբտ-ներին է կրծքով պաշտպանել, եկեղեցու դեմ ուղղված քայլեր է արել, ռուսների դեմ է քայլեր ձեռնարկել եւ այլն: Սակայն վերջին շրջանում սրան զուգահեռ Փաշինյանն իրեն թույլ է տվել նաեւ Ռուսաստանի նկատմամբ դրական ժեստեր ցուցաբերել, ինչպես Ալեքսանդր Լուկաշենկոյին շնորհավորելն էր, ի տարբերություն Արեւմուտքի, այս շնորհավորանքն ընկալվեց իբրեւ քաղաքական կուրսի ցուցադրություն: Կամ Ամուլսարի շահագործման հարցին լւծում չտալը: Եւ, ահա այս առիթներով ներքին խմորվող դիմակայությունն, ի վերջո, նման հրապարակային արտացոլանք է ստացել, երբ դանիելիոաննիսյաններն ու լարիսամինասյաններն այլեւս բացահայտ սպառնալիքի ու շանտաժի լեզվով են խոսում իշխանությունների հետ, երեկ Դանիել Իոաննիսյանը Լարիսա Մինասյանի բողոք-դիմումի մասին էր հիշեցնում Ալեն Սիմոնյանի դեմ եւ գրել է. «Անցել է ավելի քան 10 օր, բայց Ազգային ժողովից խաբար չկա... Ինչո՞ւ.
1. Արարատ Միրզոյանը կիսում է Ալեն Սիմոնյանի կարծիքը ու համարում, որ օրենսդիր մարմնի պաշտոնյան կարող է իրեն այդպես պահել:
2. Արարատ Միրզոյանը ամեն կերպ պաշտպանելու է իր կուսակից Ալեն Սիմոնյանին՝ անկախ վերջինիս ճիշտ/սխալ լինելուց:
3. Արարատ Միրզոյանը վախենում է բացահայտ դուրս գալ Ալեն Սիմոնյանի դեմ...»:

Նրանց զուգահեռ Սորոսն ակտիվացրել է նաեւ արմանբաբաջանյանական, արամսարգսյանական թեւը , Սասնա ծռերին որն իշխանության դեմ պայքարը տանում է Ամուլսարի միջոցով:

Այս ամենը տեսնում է նաեւ Նիկոլ Փաշինյանը եւ պատահական չէ ծռերի գործով մեղադրական խիստ եզրակազցությունն ու պատիժը:
Կամ պատահական չէ, որ Հեղափոխության պահապաններ խմբակը, որն այժմ գտնվում է Ալեն Սիմոնյանի հովանավորչության տակ, սկսել է թիրախում պահել Սասնա ծռերին:
Իշխանության թեւերի կամ շահառուների միջեւ այս գզվռտոցը գնալով սրվում է, Սորոսն ըստ ամենայի հասկանում է, որ Փաշինյանը իր <<տակից>> դուրս թռչելու քայլեր է անում, հասկանում է նաեւ, որ նրա դիրքերը թուլացել են եւ ներքին աջակցություն գրեթե չունի բացի իր հետ քայլածներից, ուստի ժամանակն է նրան հեռացնել վարչապետի պաշտոնից եւ իշխանությունը շարունակել այլ վարչապետի գլխավորությամբ, ոչ մի գնով չկորցնել ձեռբերածը :
Փաշինյանն էլ է սա հասկանում եւ դրա համար էլ Ալեն Սիմոնյանի շուրթերով Սորոսին ցույց տվեց իր տեղը, Սիմոնյանը միշտ ասում է այն, ինչի մասին Փաշինյանն իրեն թույլ չի կարող հրապարակային տալ որպես վարչապետ:

Անի Սահակյան