«Աստված տա, որ կարողանանք երրորդ մարդուն փրկել». Ֆելիքս Ցոլակյանը մանրամասներ է հայտնում
21 քաղաքացի տարհանվել են շենքից ,նրանք վնասվածքներ չունեն, նրանց նաեւ հոգեբանական աջակցություն է ցույց տրվել սթրեսից դուրս գալու համար։ Այս մասին րոպեներ առաջ լրագրողների հետ զրույցում ասաց ԱԻնախարար Ֆելիքս Ցոլակյանը` հավելելով, որ նախնական տվյալներով 3 տուժած կա:
«Սեյսմիկ ծառայությունից ինձ ասացին, որ այս պահին վտանգ չկա նոր փլուզման հետ կապված։ Բայց, քանի որ ներսում աշխատանքներ են տարվում, իսկ մենք ամեն ինչ հաշվի ենք առնում, դրա համար մարդկանց տարհանում ենք: Վարչապետը իր օգնականին հանձնարարել է լուծել առաջին մուտքի բնակիչների հարցը, նրանք այսօր քնելու տեղ կունենան, իսկ հետո արդեն կառավարությունը որոշում կկայացնի: Աստված տա, որ կարողանանք երրորդ մարդուն փրկել»,- հավելեց Ցոլակյանը` տեղեկացնելով, որ մեկ քաղաքացի դեռևս փլատակների տակ է։
Հետևեք մեզ Viber-ում
