Հովիկ Աբրահամյանը վերականգնում է կիսատ թողած գործը
2010 թվականից նախկին վարչապետ, ԱԺ նախկին նախագահ Հովիկ Աբրահամյանի նախաձեռնությամբ եւ նրա հովանու ներքո հանրապետությունում ամեն տարի տեղի էր ունենում ասմունքի հանրապետական մրցույթ, որին մասնակցում էին թե Հայաստանից, թե սփյուռքից, թե ջավախքից հայ պատանիներ: Հովիկ Աբրահամյանը այս մրցույթը նախաձեռնեց ԱԺ նախագահի պաշտոնում, բայց վարչապետ դառնալուց հետո էլ շարունակեց միջոցառման հովանավորչությունը: Եթե առաջին տարում մասնակիցների թիվը 3000 էր, ապա 2016-ին՝ վերջին անգամ մասնակից աշակերտների թիվը գերազանցում էր 280 հազարը: Իսկ երբ Աբրահամյանը հեռացավ վարչապետի պաշտոնից, այդ միջոցառումն այլեւս տեղի չունեցավ: Ժյուրիի անդամներն էին Ռազմիկ Դավոյանը, Գույժ Մանուկյանը, գրականագետ Սամվել Մուրադյանը եւ այլք: Մեր տեղեկություններով՝ Աբրահամյանն օրերս հանդիպել է ժյուրիի անդամների հետ եւ ցանկություն հայտնել վերականգնել ավանդույթը: Հետաքրքիր է, թե ինչպես կարձագանքեն ՀՀ իշխանությունները մեր օրերում, երբ ազգային գիր ու գրականության, արժեքների, հայոց պատմության նկատմամբ առանձնապես բարյացկամ չեն:
Հետևեք մեզ Viber-ում
