Ամուսնանալու 6 սարսափելի և 5 հրաշալի պատճառ

Նախկինում համարվում էր, որ ամուսնությունն անխուսափելի է:

Երեսուն տարեկան հասակում ենթադրվում էր, որ արդեն երեխաներ կունենան, կարծես դա բնական, ինքնահոսով ընթացող պրոցես է:

Սակայն կյանքն անկանխատեսելի է: Հնարավոր չէ պլանավորել ամեն ինչ և ստանալ այն, ինչ ցանկանում եք և երբ ցանկանում եք: Ավելին, երջանկությունը պարտադիր չէ կապել ամուսնության հետ:

Սերը դժվար է: Դա այլ անձի կողքին լինելու մշտական և գիտակցված ցանկություն է: Եվ ամուսնությունը պետք է լինի նույնը:
Այդ պատճառով, միշտ ինքներդ ձեզ հարցրեք . Ինչո՞ւ եմ ուզում ամուսնանալ: Ինչո՞ւ չեմ ուզում:

Ահա ամուսնության 6 ոչ պատշաճ պատճառ.

1. Դուք վախենում եք մենակ մնալուց
Շատերը միայնության վախից ընկնում են միջակ կամ նույնիսկ թունավոր հարաբերությունների մեջ:

Այո, միայնությունը սարսափելի է: Բայց գիտե՞ք, թե ինչն է ավելի վատ: Ամուսնանալ մեկի հետ, ով պարզվում է, որ իսկական մղձավանջ է:

Ոչ ոք միայնակ չի ուզում ծերանալ: Բայց դա չպետք է դառնա ամուսնանալու միակ պատճառը:

2. Դուք ցանկանում եք լուծել հարաբերությունների հետ կապված խնդիրները
Եթե հարաբերությունների հետ կապված խնդիրներ ունեք, ամուսնությունը չի շտկի դա:

Բայց ինչ-ինչ պատճառներով շատ մարդիկ այլ կերպ են մտածում: Նրանք կարծում են, որ արժե գրանցել ամուսնությունը, քանի որ բոլոր վեճերը կմնան անցյալում, և սերը կսկսի ծաղկել:

Ավաղ, իրականում ամեն ինչ ճիշտ հակառակն է: Ամուսնությունը միայն կուժեղացնի առաջացող հակասությունները:

Իսկ դուք կմնաք նույնը: Եվ մեղրամիսի ոչ մի քանակությամբ կախարդանք չի կարող կոտրել չար կախարդությունը:

Հիշեք. Հարսանիքը ընդամենը մեկ օր է: իսկ ամուսնությունը՝ ողջ կյանքի համար:

3. Դու ուզում ես ինչ-որ բան ապացուցել դրանով
Հասարակությունը մեզ պարտադրում է երջանիկ կյանքի որոշակի պատկեր`ընտանիք, երեխաներ, հարմարավետ տուն:

Արդյունքում, մենք հաճախ հավասարեցման նշան ենք դնում ամուսնության և հասունացման միջև: Զարմանալի չէ, որ շատ մարդիկ ամուսնանում են պարզապես իրենց հաջողակ զգալու համար:

Ինչ-որ մեկը այս կերպ փորձում է ապացուցել իր կայացվածությունը: Ինչ-որ մեկը ցանկանում է ցույց տալ իր նախկինին, որ կարող է ապրել առանց նրա: Ինչ-որ մեկը ձգտում է ցույց տալ իր երջանկությունը ուրիշներին: Իսկ ինչ-որ մեկն էլ պարզապես երազում է գեղեցիկ հարսանիքի մասին:

Անհրաժեշտ չէ որևէ մեկին որևէ բան ապացուցել, մանավանդ ինքներդ ձեզ: Եթե դուք ձեզ չեք զգում հասուն կամ երջանիկ, ապա դա չկա: Ամեն ինչ շատ պարզ է:

Ամուսնությունն այս առումով ոչինչ չի փոխի:

4. Դուք ուզում եք, որ ինչ-որ մեկը հոգ տանի ձեր մասին (և հակառակը)
Այո, ամուսնությունը հոգս է: Սա խորհուրդ և սեր է: Սա գործընկերություն է:

Բայց եթե ձեզ համար դա պարզապես պատրվակ է ձեր կյանքի պատասխանատվությունը ինչ-որ մեկին հանձնելու համար, ապա դա ոչ թե ամուսնություն է, այլ շահագործում: Փոխկախվածությունը տոքսիկ հարաբերությունների հստակ նշան է:

Միայն լիովին անկախ մարդը կարող է առողջ հարաբերություններ ստեղծել: Կախվածությունը երբեք երջանկություն չի բերի ձեզ կամ ձեր զուգընկերոջը:

5. Դուք փորձում եք լրացնել դատարկությունը
Բոլորն ունեն անցյալի տրավմաներ: Եվ այս վնասվածքները ազդում են մեր կայացրած յուրաքանչյուր որոշման վրա:

Հատկապես դժվար է հաղթահարել մանկական տրավմաները: Բազմաթիվ զոհեր տրվում են երջանիկ ամուսնական կյանքի երևակայություններին, որպեսզի փոխհատուցեն բռնությունը և անտարբերությունը, որը նրանք կրել են երեխա ժամանակ:

Մյուսներն ամուսնանում են միայն այն պատճառով, որ կյանքում ոչ մի հեռանկար չեն տեսնում:

Դժբախտաբար, այս պատճառներով ամուսնությունը փրկություն չի բերի: Դուք չեք կարող ձեր կյանքը կառուցել հին վիրավորանքների շուրջ: Առանց ձեր վերքերը բուժելու, դուք չեք կարող ամուր հիմք ստեղծել միասին ապրելու համար:

6. Հանգամանքները ճնշում են Ձեզ
Ամուսնության մեկ այլ ընդհանուր պատճառ էլ այն է, որ դուք պատրաստ չեք, բայց հանգամանքները պահանջում են դա ձեզնից:

Դուք ծերանում եք: Ուզում եք երեխաներ ունենալ: Բոլոր ընկերներն արդեն ամուսնացել են:

Դա նորմալ է. Դուք չեք ուզում հետ մնալ:

Բայց հիշեք, որ երջանիկ կյանք ունենալու համար հարկավոր չէ ամուսնանալ: Սա պարզապես ավանդույթի ճնշումն է, որն իրականության հետ ոչ մի աղերս չունի:

Չնայած այն բանին, որ շատ մարդիկ դժգոհ են ամուսնությունից, հասարակությունը գնահատում է ամուսնացած մարդկանց ավելին, քան միայնակներին: Մեր շրջապատի մարդիկ միշտ հավանություն են տալիս հարաբերություններ ստեղծելու մեր ջանքերին, նույնիսկ եթե միայնակ ավելի լավ ենք մեզ զգում:

Մի լսեք նրանց: Մտածեք. Իսկապե՞ս Ձեզ հարկավոր է ինչ-որ մեկի հետ լինել: Միգուցե դուք Ձեզ այսպես ավելի լա՞վ եք զգում:

Այսպիսով, եթե վերը նշված բոլոր պատճառները ձեր դեպքը չեն, կարող ենք Ձեզ շնորհավորվել:

Իսկ ահա 5 պատճառ, թե ինչու արժե ամուսնանալ․

1. Դուք երկուսդ լիարժեք անհատականություններ եք
Ամուսնություն՝ չի նշանակում հրաժարվել անհատականությունից: Իսկապես ամուր հարաբերությունը կապ է երկու լիարժեք մարդկանց միջև, որոնք լրացնում են միմյանց:

2. Դուք լիովին վստահում եք միմյանց
Պարզունակ է, բայց փաստ. վստահությունը բոլոր հարաբերությունների ամենակարևոր հիմքն է: Վստահությունը շատ դժվար է կառուցել և գրեթե անհնար վերականգնել: Միայն վստահության վրա կարող եք երկարաժամկետ սերտ հարաբերություններ կառուցել:

3. Դուք գիտեք, թե ինչպես համակերպվել
Կոնֆլիկտներն անխուսափելի են: Նույնիսկ ամենամոտ մարդիկ երբեմն վիճում են: Առողջ և խելացի ձևերով տարաձայնությունները լուծելու կարողությունը՝ այն է, ինչի վրա պետք է ուշադրություն դարձնել:

4. Դուք միմյանց լավ գիտեք
Միայն մարդու հետ բավականաչափ ժամանակ անցկացնելուց հետո կարող ես իսկապես ճանաչել նրան: Ժամանակը սուբյեկտիվ հասկացություն է, և բոլորի համար այս ժամանակահատվածն ունի իր տևողությունը: Ամեն դեպքում, մի՛ ամուսնացեք մի մարդու հետ, ում հետ վերջերս եք ծանոթացել և ճանաչում եք մակերեսորեն:

5. Դուք ազատորեն արտահայտում եք ձեր սերը
Հարաբերությունները ուսումնասիրող հոգեբանները բացահայտել են «կախարդական գործակից» 5: 1, որն երաշխավորում է ամուսնության անվտանգությունը: Սա նշանակում է, որ վեճերի ընթացքում յուրաքանչյուր բացասական փոխազդեցության համար մնացած ժամանակ պետք է լինի 5 դրական փոխազդեցություն:

Սա չի նշանակում, որ դուք պետք է անընդհատ փսփսաք և գրկախառնվեք: Բայց սիրո կանոնավոր արտահայտությունները, հումորի համընդհանուր զգացումը, ֆիզիկական և հուզական հարազատությունը ուժեղ հարաբերությունների նախադրյալներն են:

MediaMag.am