Ֆեյքաբուծարանի «արքան». Նիկոլ Փաշինյանի նորանոր «հերոսները»
Նիկոլ Փաշինյանին պարբերաբար հունից դուրս է հանում իր գնահատմամբ տեղեկատվական մանիպուլյացիաներ, ընդդիմադիր կարգավիճակում էլ նա գրեթե ամեն օր նախկին իշխանություններին քննադատում էր նման PR տեխնոլոգիաների կիրառման համար։ Կյանքը ցույց տվեց, որ Փաշինյանը ինչպես իր կարգին քաղաքապետը կասեր՝ ուղղակի գժվում է նման տեխնոլոգիաների համար, ու պատահական չէ, որ թավշյա հեղափոխության օրերից մինչ օրս պարբերաբար ապավինում է ֆեյքային ու մանիպուլյացիոն տեխնոլոգիաներին, այլ կերպ ասած՝ սուտն ու կեղծիքն օգտագործելը հենց իրեն ու իր շրջապատին են ներհատուկ։ Նրանք նույնիսկ գնացին այնպիսի ստոր քայլի, ինչպիսին է ապրիլյան քառօրյայում հերոսաբար զոհված Ռոբերտ Աբաջյանի հիշատակն օգտագործելն ու հավաքված ամբոխից էմոցիա փախցնելը։ Ներկայումս վարչապետի աշխատակազմի ղեկավար նշանակված Էդուարդ Աղաջանյանը, «թավշյա» օրերին մի կեղծ պապիկ էր բերել հրապարակ, նրա կողքը բռնել էր Աբաջյանի նկարն ու ցույց էր տալիս, թե, իբր, ժողովո՛ւրդ ջան, տեսեք, հերոս Ռոբերտի պապն էլ է Նիկոլի հետ։ Ապրիլյան օրերին այդպիսի քստմնելի տեխնոլոգիան ու մանիպուլյացիան , անշուշտ, աշխատեց։ Այդ տեխնոլոգիան կիրառելու ժամանակ Փաշինյանը Ռոբերտի «պապիկի» հետևում էր կանգնած և հետևում էր այդ կեղծիքին։ Կարծում ենք՝ Լեյլա տատիկը, ով հեղափոխության օրերին իր հոգսաշատ աչքերով ու բարի ժպիտով եւ հանրահավաքներին իր պարտադիր ներկայությամբ , համաձայնեք, դրական շունչ էր հաղորդում բազմահազար մարդկանց։ Արտուշ պապիկը,ում առաջ բերեցին այս տարի՝ Եղեռնի տարելիցի միջոցառման ժամանակ, կամ կառավարության դիմաց «բրոնյա» հանած Փաշինյանի «մորքուրին», ով բոլորին հորդորում է հանգիստ թողնել Փաշինյանին եւ ամենօրյա պատրաստակամություն է հայտնում գուրգուրել վարչապետի «լավ տեղերը» ։ Մի խոսքով՝ եթե նախկին իշխանություններն ընդամենը մի ՀՀԿ տատիկ ունեին, այն էլ պարբերաբար ընդդիմադիր հայացքներ էր ցուցադրում եւ քննադատում նաեւ ՀՀԿ-ին, ապա Նիկոլ Փաշինյանի իշխանությունը բուժել է էլ տատիկ պապիկներ, էլ հորքուր-մորքուրներ, էլ տատմեր ու այսպես շարունակ։ Նիկոլ Փաշինյանը հանուն իշխանության եւ այն պահելուն ֆեյքաբուծությամբ է զբաղված, որոնք սակայն իրական «հերոսներ» պետք է դառնան։ Օրերս էլ հայտնվեց նրա ոտքը պաչելու պատրաստ մի տատիկ։ Գեղարքունիքի մարզ վերջին այցի ընթացքում Գանձակ համայնքում Փաշինյանին է մոտեցել մի տատիկ, որը ցանկացել է համբուրել վարչապետի ոտքերը։ Դե, հիմա, արի ու հասկացի՝ ոտք համբուրող տատիկն իրական էր, թե բուծարանի հերթական «արտադրանքը»։ Վարչապետը ձեւ բռնեց, թե զայրանում է տատիկի վրա ու թույլ չտվեց, բայց քայլարածների ու զոմբիների համար կարծում ենք՝ տեխնոլոգիան աշխատեց։
Անի Սահակյան
Հետևեք մեզ Viber-ում
