ՀՀԿ-ի ընտրական իրավունքը խախտվել է. Մուկուչյանը՝ Փոստանջյանի միջադեպի մասին. armtimes.com (տեսանյութ)

ՀՀ կենտրոնական ընտրական հանձնաժողովի նախագահ Տիգրան Մուկուչյանն այսօր ժամը 16:00-ի սահմաններում Երեւանի Ավան վարչական շրջանի ընտրատեղամասերում շրջայց էր կատարում, որի ընթացքում պատասխանեց armtimes.com-ի հարցերին՝ անդրադառնալով Կոնդում ընտրակաշառքի դեպքին, Ավանում Զարուհի Փոստանջյանի մասնակցությամբ միջադեպին եւ ընտրատեղամասից չհրկիզվող պահարանի տեղաշարժմանը: «Քվեարկությա օրը յուրաքանչյուր կուսակցություն կազմակերպում է իր աշխատանքը, այդ աշխատանքը կազմակերպում է նաեւ իր ընտրական շաբերի միջոցով: Գիտեք, այդպես մուտք գործել ընտրական շտաբեր, խոչընդոտել այդ աշխատանքների կատարմանը, թույլ չտալ որպեսզի մեկ այլ գործընթացի մասնակից կուսակցություն լիարժեք իրականացնի իր պասիվ ընտրական իրավունքը եւ այլն: Պետք է նկատել, որ սա եւս անթույլատրելի արարք է»,- ասաց Տիգրան Մուկուչյանը՝ պատասխանելով Զարուհի Փոստանջյանի կողմից ՀՀԿ շտաբ մուտք գործելու միջադեպի վերաբերյալ հարցին: Առավել մանրամասն՝ տեսանյութում: