«Մինչև ինձ չսպանեք, ուրիշ ընտրություն չի լինի»․ Լուկաշենկո

Բելառուսի նախագահ Ալեքսանդր Լուկաշենկոյի ուղղաթիռը վայրէջք է կատարել Մինսկի անվավոր տրակտորների գործարանի տարածքում, գրում է Ռիա Նովոստին։ Գործարանի տարածքում տրանսպորտային միջոցների շարժը սահմանափակ չէ, հարակից կայանատեղիները լցված են ավտոմեքենաներով: Գործարանի աշխատակիցներից մեկի խոսքով՝ աշխատողները չեն պատրաստվում բողոքի ցույց կազմակերպել, այլ պարզապես ուզում են զրուցել նախագահի հետ: Կենտրոնական մուտքի մոտ հարյուր մարդ է հավաքվել սպիտակ և կարմիր դրոշներով:

«Երբևէ չսպասեք, թե ճնշման տակ ինչ-որ բան կարող եմ անել։ Նրանք չեն գա իշխանության գլուխ։ Քանի որ չի լինի ո՛չ Մինսկի անվային քարշակների գործարանը, ո՛չ Մինսկի ավտոմոբիլային գործարանը, և ո՛չ էլ Բելառուսի ավտոմոբիլային գործարանը․ կես տարվա ընթացքում կոչնչացվի ամեն ինչ: Մենք արդեն ընտրություններ անցկացրել ենք: Մինչև ինձ չսպանեք, ուրիշ ընտրություն չի լինի»,- հասել է նա:

Նա կոչ է արել իշխանական լիազորությունների վերաբաշխում իրականացնել սահմանադրական գործընթացի միջոցով, այլ ոչ թե փողոցային ակցիաների միջոցով։