Ապազգային դավադրությունը բացահայտվեց. ով է ուզում Հայաստանը թուրքին հանձնել
Լոսից «խոպան» եկած մեր «ազնիվ հայրենակիցը»՝ Զարեհ Սինանյանը, ով վարչապետին կից Սփյուռքի գրասենյակի հանձնակատարն է ու բոլորովին վերջերս պարզվեց, որ ամսեկան 26 հազար դոլար պետբյուջեից փող է ստանում, օրերս աղմկահարույց հայտաարությյամբ հանդես եկավ առ այն, որ պետք է այնպիսի իրականություն ստեղծել Հայաստանում, որպեսզի ոչ միայն հեռավոր ապագայում մտածենք ոչ միայն հայերի հայրենադարձության մասի, այլեւ Հայաստանն այլազգիների հայրենիքը դարձնելու.
«Մտածել այն մասին, որպեսզի Հայաստանը մեր նման ազգերի հայրենիքը դառնա. խոսքն Իսպանիայի արաբների, ասորիների եւ այլ ազգերի մասին, որոնք ազգային անվտանգության տեսանկյունից սպառնալիք չեն ներկայացնում եւ կարող են հեշտությամբ ինտեգրվել Հայաստանում: Այսպիսով կարելի է փոխել ժողովրդագրական իրավիճակը Հայաստանում, եւ դրանից պետք չէ ամաչել, դա ճիշտ քայլ է: Դա հաջողություն կլինի: Պատկերացրեք, որ մենք Հայաստանը կդարձնենք մի երկիր որը գրավիչ է ոչ միայն հայերի համար»,- նշել է Սինանյանը:
Հանձնակատարի այս հայտարարությունը բուռն քննարկումներ առաջ բերեց ներհայաստանյան քաղաքական-հասարակական դաշտում, մարդը կարծում է, որ արաբների համար Հայաստանը հայրենիք դարձնելն ու այլ դավանանք ունեցողների միջոցով մեր դեմոգրաֆիկ պատկերը փոխելը ազգային անվտանգությանը չի սպառնում:
Այս հայտարարությունը թերեւս լույս է սփռում այն ազգադավ ծրագրի վրա, որը փորձում է իրականացնել Նիկոլ Փաշինյանն ի դեմս Զարեհ Սինանյանի, եւ այս հայտարարությունը նաեւ տալիս է այն հարցի պատասխանը, թե ինչու մարդը թողեց Գլենդելի քաղաքապետի իր պաշտոնը եւ վերադարձավ հայրենիք գրասենյակի պետ աշխատելու:
ԼԳԲՏ համայնքի ակտիվ աջակիցը, կամ ինչպես Սինանյանին բնորոշում են շատերը՝ համայնքի ակտիվիստը, որը հետո նաեւ պարզվեց մասոնական ակումբների ակտիվ ներկայացուցիչ է, Հայաստան է գործուղվել հատուկ առաքելությամբ: Մարդը, ով մեկ տարի առաջ հայտարարում էր, թե հնարավոր չէ աշխարահսփյուռ բոլոր հայերին հայրենադարձել, քանզի «Չունենք կրթական ու աշխատանքային ենթակառուցվածքներ՝ մեծ թվով հայրենադարձների համար>>, հիմա եկել ասում է, որ արաբների ասորիների համար հայրենիք ետք է դառնանք: Ճար ունենար, կտար նաեւ թուրքերի անունը, բայց թերեւս հասկանալի պատճառներով սկզբում լռում է:
Մի կողմից Նիկոլ Փաշինյանը քանդում է ազգայինի ու մեր ինքնության հենասյուները՝ հայ գրականություն, հայոց պատմություն առարկաները հանելով դպրոցական պարտադիր ծրագրից, մյուս կողմից՝ Զարեհ Սինանյանը երկրի օտարացման, այսինքն՝ թուրքի ոտքերի տակ երկիր գցելու ծրագիր է ներկայացնում: Միգուցե հենց այս ծրագիրը կյանքի կոչելու համար Փաշինյանը վերացրեց սփյուռքի նախարարությունը եւ ստեղծեց իրեն կից գրասենյակ, որի ղեկավար նշանակեց ապազգային հայրենակցի, ով նաեւ ռուսատյաց է ու մեծ աբսուրդ էր նրան այդ պաշտոնում նշանակելը, քանի որ ամենամեծ հայ համայնքը թերեւս ունենք Ռուսաստանում, որը նաեւ կերակրում է Հայաստանի կեսից ավելիին, իսկ այս մարդը մեր ռազմավարական դաշնակցի հետ համագործակցելու ցանկություն չունի: Հայրենադարձություն, ներդրումների հոսք կազմակերպելու փոխարեն, նա հիմա առաջ է տանելու մեզ հրամցված ապազգային ծրագիրը:
Անի Սահակյան
Հետևեք մեզ Viber-ում
