Մղձավանջ, թե երազանք

Նիկոլ Փաշինյանի տիկին Աննա Հակոբյանը նախօրեին հարցազրույց է տվել եւ անհավանական խոստովանություն արել.<<Այսօր իմ ամուսինն իրականացնում է այն եւ փորձում է մեր երկիրը դարձնել այնպիսին, ինչպիսին ինձ նկարագրել է 95 թվականին մեր զրույցների ժամանակ, ինչպիսի երկրի մասին գրել է ամեն հոդվածում ամեն օր, տասնյակ տարիներ, եւ հիմա քայլ առ քայլ իրականացնում է, այլ հարց, որ մի բան ավելի արագ է լինում, մի բան ավելի դանդաղ>>։

Սա ոչ թե վատ, այլ սարսափելի հայտարարություն է: Փատորեն այն քաոսը, որն այսօր տիրում է մեր երկրում ու ժողովրդի կյանքում պետության ղեկավարի երազանքն է եղել եւ դեռ շարունակելու է ի կատար ածել: Օրինակ նրա երազանքն է եղել կրթության տխրահռչակ, ապազգային չափորոշիչները, որոնք կարծես թե գրվել են ոչ թե Հայաստանում, այլ մեր դարավոր հակառակորդների ձեռքում՝ Թուրքայում, Ադրբեջանում: Չափորոշիչներ, որոնք արժեհամակարգային պատերազմ են մեր դարավոր պատմության, մշակույթին, մեր ինքնությանը, որտեղ հայ բառը՝ գրականություն, պատմություն բոլոր ոլորտներից դուրս է մղվել իր մնացյալ հետեւանքներով:

Ատելության ու զազրախոսության այս միջավա՞յրն էր երազում: Թե՞ ԼԳՏԲ համայնքի գերակտիվացումը, կամ ասենք պետության օրենսդիր գլխավոր մարմնի ամբիոնից տրանսգենդերին ելույթի հնարավորությություն տալը: Այո, ժողվարչապետի երազանքն է եղել կորոնավիրուսի դեմ պայքարն այս կարգի տապալել, մոտ հազար զոհ տալ եւ հընթացս սըղղացնել Լանսարոտեի կոնվենցիան, տխրահռչակ այլ նախագծեր, իսկ պետության բարձր դատարանի՝ Սահմանադրական դատարանի դեմ թաթար-մոնղոլական արշավանքների մասին կգերադասենք լռել: Եթե իր երազած Հայաստանը սեւն ու սպիակն էր, կամ Արցախում դավադիրներ փնտրելը.անցյալը ոչնչացնելը. Հաղթանակած հերոսներին անարգելն ու կալանավորնելն է, սա ուրիշ ողբերգություն է: Եթե իր երազած Հայաստանը տասը տարի ստելն էր, ասել, որ բոլոր պաշտոնյաները կոռումպացված են, հետո գալ ու ոչ մի այդ մասշտաբի կոռումպացված չհայտնաբերելն էր, ճիշտ հակառակը՝ նույն ճանապարհը բռնելը, բան չունենք ասելու:
Աննա Հակոբյանն ասում է նաեւ որ իրենց նտանիքի մասին հրապարակումները մերկապարանոց են. «Հեղափոխությունից առաջ, հեղափոխությունից հետո էլ կես տարի, մեկ տարի ինձ թվում էր, որ լրագրողներն ինչ-որ հիմք պետք է ունենան, այն կարող են հետո զարգացնել, ճոխացնել, բայց գոնե հիմքի հատիկ պետք է ունենան։ Բայց հիմա ինձ համար պարզ է, որ այլևս այդպես չէ, հիմա բազմաթիվ լրատվամիջոցներ կամ իրենց լրատվամիջոց համարող ինչ-որ մարդկանց խմբեր կարող են ամեն ինչ գրել՝ ինչ ուզեն, ինչպես ուզեն»,- ասաց Աննա Հակոբյանը՝ «Ազատություն» ռադիոկայանի ֆեյսբուքյան ասուլիսում:

Վարչապետի տիկինը նշեց, որ այլեւս ոչ հետևում և ոչ էլ հետաքրքրվում է նմանատիպ լուրերով: «Լինում է, որ դատի ենք տալիս, բայց դա բավական բարդ գործընթաց է, ժամանակ խլող, մանավանդ մեր պարագայում, որ կարող ես ներքաշվել տասնյակ այդպիսի պրոցեսների մեջ։ Մեր ընտանիքի մասին բոլոր հրապարակումները մերկապարանոց ստեր են։ Մեր լրագրությունը նորանոր «բարձունքներ է նվաճում»։ Ցավալի փաստ է»,- ընդգծեց նա:
Աննա Հակոբյանը մամուլի հրապարակումները հերքելու փոխարեն լավ կլիներ սանձեր ընտանիքի անդամներին, եթե նրանք կարողանային զսպել իրենց ակտիվությունը, մամուլում այդքան հրապարակումն եր էլ չէին լինի, իսկ դրանց հավաստիության մասին ինչպես ասում են ամեն մեկն իրականությունն ու ճշմարտությունը յուրովի են ընդունում: Եթե ձեր ընտանիքի մեծից փոքրը չխոսեր իբր գողացած փողերի եւ դրանց վ երադարձի մասին, ոչ մեկ չէր հաշվի ձեր փոխերը, եթե թատրոն չխաղայիք, թե իբր կարոտում եք ձեր հին տունը, ոչ մեկ ձեր դրսի վիլլաների մասին չէր գրի: Եթե մի քիչ համեստ լինեիք, եւ հատուկ հյուրերի համար Սեւանում նախատեսված ամառանոցում ձեր հաճույքն երը չանցկացնեիք, ոչ մեկ չէր խանգարի ձեր տրփանքները:

Տիկինը վերահաստատել է նաեւ իր՝ խաղաղասիրության ծրագրի կենսոունակությունը, ավելին ասել, որ առաջիկայում էլ զինվորական շորեր է հագնելու ու այցելի սահման:
Փաստորեն հայ-ադրբեջանական վերջին լարվածությունից հետո էլ նա չհասկացավ, որ զենքով կա հային փրկություն, մարդիկ հատուկ ծրագիր ունեն՝ հակառակորդի հետ քիրվայություն անելու տերպետրոսյանական թեզն է իրենց հոգեհարազատ:

Անի Սահակյան