Չարբախում Տարոն Մարգարյանի անվան դիմաց քվեարկած թերթիկ են տվել ընտրողին (տեսանյութ). armtimes.com
Երեւանի Շենգավիթ վարչական շրջանում գտնվող թիվ 52 մանկապարտեզում տեղակայված 8/54 ընտրատեղամասում (Չարբախ) «Ելք» դաշինքի վստահված անձ Նարեկ Ղահրամանյանն արձանագրել է, որ քվերկության սենյակ մուտք գործող ընտրողին մի երիտասարդ տրամադրել է ավագանու ընտրության քվեաթերթիկի նմուշ, որի վրա քվեարկված է եղել ՀՀԿ-ի օգտին: Նարեկ Ղահրամանյանը վերցրել է ընտրողի ձեռքից այդ քվեաթերթիկը եւ պահանջել է հանձնաժողովի նախագահից, որպեսզի արձանագրություն կազմի, սակայն նա արագ պատռել է քվեաթերթիկը եւ նետել աղբամանի մեջ՝ ասելով, որ ինքը չի տեսել, որ այդ թերթիկը նմուշ է եղել, այլ ընդամենը դատարկ թուղթ է պատռել: