Լեզվի սայթաքում, պաշտոնով հատուցում, Փաշինյանի վրեժխնդրությունը
«Նորք» ինֆեկցիոն կլինիկական հիվանդանոցի տնօրեն Մհեր Դավիդյանցի աշխատանքից հեռանալու թեման շարունակվում է բուռն քննարկվել սոցիալական ցանցերում։
Երեկ հայտնի դարձավ, որ Դավիդյանցն աշխատանքից ազատման դիմում է ներկայացրել, դրանից հետո սկսեցին քննարկել հեռաալու տարբեր վարկածներ: Ինչպես հայտնի է դեռեւս տարեսկզբից երկու կենտրոնների` ՁԻԱՀ-ի կանխարգելման ազգային կենտրոնի և «Նորք» ինֆեկցիոն կլինիկական հիվանդանոցի միացման գործընթաց է սկսվել:
Պաշտոնական հիմնավորումը հետեւյալն էր. «Նոր ձևավորվող բժշկական կենտրոնում Մհեր Դավիդյանցին առաջարկվել էր ընդհանուր գծով տեղակալի պաշտոնը, որն ի սկզբանե ընդունվել էր վերջինիս կողմից, սակայն հետագայում նա հրաժարվել է այդ պաշտոնից»։ Այս մասին գրել էր Առողջապահության նախարարության մամուլի խոսնակը տեղեկացնելով նաեւ, որ նախարարի հրամանով երկու բժշակական կենտրոնների ՝ ՁԻԱՀ-ի կանխարգելման ազգային կենտրոնի և «Նորք» ինֆեկցիոն կլինիկական հիվանդանոցի տնօրեններն արդեն իսկ ազատված են պաշտոնից՝ կապված նոր կենտրոնի ձևավորման գործընթացի հետ։ Երկու կենտրոնների միացումից հետո տնօրենի ժամանակավոր պաշտոնակատարին նշանակելու է նախարարը։
Պարոն Դավիդյանցին առաջարկվել է նաև շարունակել համագործակցությունն իր համար ընդունելի այլ ֆորմատներով, օրինակ` գիտական, ուսումնական գործունեությամբ զբաղվելու:
«Նախարարությունը և նախարարը բարձր են գնահատում Մհեր Դավիդյանցի ներդրումը համավարակի դեմ պայքարի աշխատանքներում և ցավում են նրա նման որոշման համար» ասվում էր խոսնակի տեքստում։ Իսկ իրականությունը, որի մասին խոսում են փոքր Հայաստանում, առավել փոքրիկ մայրաքաղաքում այն է, որ Դավիդյանցը հեռանում է Նիկոլ Փաշինյանի վրեժխնդրության արդյունքում: Բանն այն է, որ դեռեւս հունիս ամսին՝ պարետատան նիստից հետո ճեպազրույցի ժամանակ Մհեր Դավիդյանցն ակամա բացահայտեց թավշյա իշխանությունների սուտը՝ լեզվից թռցնելով, որ կորոնավիրուսային վարակը մեր երկրում եղել է դեռևս փետրվար-մարտ ամիսներին՝ հիմնականում թեթև և միջին ծանրության դեպքերի տեսքով: Դա այն ժամանակ, երբ թավշյա կառավարությունը վարչապետ Փաշինյանի գլխավորությամբ, փոխանակ պատրաստվեր ճգնաժամին դիմագրավելու, սահմանադրական հանրաքվեի հանրահավաքներ էր անում, իսկ հետո սեփական բոլոր ձախողումների համար պատասխանատվությունը բարդում քաղաքացիների վրա: Այս հայտարարությունն ինքնին սկանդալային էր, որովհետև Հայաստանում առաջին վարակակրի մասին պաշտոնապես հայտարարվել է մարտի 1-ին, բայց ըստ այս հայտարարության՝ ստցվում է, որ իրականում ավելի վաղ է եղել
Ըստ էության օրվա իշխանությունը, հանուն իր քաղաքական օրակարգի, թաքցրել է ճշմարտությունը ու պատճառ դարձել համավարակի նման մասշտաբի ու այսքան մարդկային կյանքեր խլել։
Եվ այսօր ապաշնորհ իշխանությունների ստերից մեկը բացահայտած մարդն աշխատանքից ազատման դիմում է ներկայացնում: Ավելին՝ նրա փոխարեն առողջապահության համակարգ են ներդնում հերթական սորոսականին:
Ըստ լուրերի Դավիդյանցի դեմ առնվազն մի քանի ամիս է առողջապահության նախարար Արսեն Թորոսյանի միջոցով իշխանությունը արշավ էր սկսել, բերջին հարձակումը թերեւս տեսչական մրմնին Նորք գործուղել էր եւ մի քանի օր շուրջօրյա ստուգումներ անցկացնելը:
Հետևեք մեզ Viber-ում
