Արմենդարբինյաններից մինչեւ Կարգին Հայկո. փարիսեցիության շքերթ

Մաշտոցի պուրակի կանաչ հատվածը բետոնապատելու, դա ինչ որ օբյեկտով փոխարինելու նախկին իշխանությունների ժամանակները թերեւս վերադարձել են: Մաշտոցի պուրակում ծառահատում եւ շինարարական աշխատանքներ են սկսվել, ճիշտ այնպիսին, ինչիսին ութ տարի առաջ էր, երբ օլիգարխիկ-բիզնես շահերը փորձում էին դոմինանտել բնապահպանական խնդիրներին, բնապահպանները, ակտիվիստները օրեր շարունակ բողոքի ակցիաներ էին իրականացնում, լուսացնում էին Մաշտոցի նրանց թվում այն ժամանակ Կարգին Հայկոն, այսօր՝ ոչ կարգին քաղաքապետ Հայկ Մարությանը պուրակում, նրանց թվում այն ժամանակ Կարգին Հայկոն, այսօր՝ ոչ կարգին քաղաքապետ Հայկ Մարությանը: Պայքարը ձգվեց այնքան, մինչեւ հասան բաղձալի հաղթանակի եւ իշխանություններից ազատագրեցԻն պուրակը: Իսկ Սերժ Սարգսյանը ստիպված եղավ բեմադրել իր ամենահիշարժան ներկայացումներից մեկը՝ «Տարոն ջան, սիրուն չի» հանրահայտ արտահայտության գլխագրով: Ութը տարի անց պուրակի կանաչը կրկին վտանգված է, բայց այս անգամ իշխանությունն իր սեւ գործն անում է անաղմուկ, կամ գրեթե անաղմուկ, չկան ոչ երբեմնի էնտուզիազմով գրանտակեր բնապահպանները, ոչ մտավորական արտահաստիքային մտավորականությունը, որն այսօր հեղափոխական փիլոնի տակ է ծվարել եւ ժամանակ առ ժամանա զգացնել է տալիս իր գոյությունը: Այն մտավորականությունը, որը հեղափոխություն կոչվող իշխանափոխությունից հետո թմբկահարում էր, թե իշխանության մակարդակով արժեհամակարգ է փոխվել, որ նոր հասարակություն ունենք, այսօր գուցե հասկանան, որ ոչ հասարակությունն է նոր, առավել եւս արժեհամակարգային տարբերություն չկա, եթե չասենք, որ նորերը նախկինների տրամաբանական շարունակությունն են, իսկ նորը Սորոսն է ու իր փողերը, որի տակ պարում են այսօրվա իշխանություններից սկսած վերջացրած մտավորականներ, բնապահպաններ, ակտիվիստներ: Հենրիկհովաննիսյանականներ, արմենդարբինյաններ տեսակ, որոնք երբեմն-երբեմն ձեռքի հետ լղոզվում են, իսկ առաջ են գալիս իրական խնդիրները, այս մարդիկ խորը եւ համապարփակ ընդհատակ են անցնում: Սրանք պայմանական անուններ են, տեսակ, որտեղ տեղավորվում են այս տասի տասնյակ երեսպաշտներ, եւ նախեւառաջ մայրաքաղաքի գլխավոր ճարտարապետի կոչում ունեցող Արթուր Մեսչյան: Սերժ Սարգսյանի կրնկի տակ գործող ու հեղափոխություն հայհոյող սույն դեմագոգ սուպերքաղքենին այսօր կարող է այս հրեշավոր ծրագիրն էլ արդարացնել: Դե իսկ բախտի բերմամբ քաղաքապետ դարձած Կարգին Հայկոյի մասին խոսքերն ավելորդ են: Շուրջ կես տարի է երկիրն արտակարգ դրության մեջ է ու եթե մյուս պետություններում մայրաքաղաքի ղեկավարները առաջնորդում են կորոնավիրուսի դեմ պայքարը, քանի որ բնակչության մեծ մասը կենտրոնացված է հենց մայրաքաղաքում, ապա մեզ մոտ այս մարդը իր ֆոբիաներից ազատվել այդպես էլ չի կարողանում, աշխատելու մասին խոսելն ավելորդ է:

Իսկ հիմա, երբ սա իր համար անգամ պատվի հարց է, քանզի տարիներ շարունակ ներգրավված էր այս պայքարին, կրկին ընդհատակ է անցել: Երեսպաշտությունը, փարիսեցիությունը և կեղծավորությունը մեր օրերի ամենից ցայտուն հատկանիշն են, որով օժտված են թե՛ օրվա իշխանություններն ու իշխանավորները, թե՛ նրանց ընտրողներ ու գովերգողները:

Անի Սահակյան