Պոլսո հայ համայնքում Աթեշյանի մեղքով երկվություն է ստեղծվել.Սարգիս Հացպանյան

Հրապարակախոս Սարգիս Հացպանյանը Հայելի ակումբում հրավիրված ասուլիսում հայտարարեց,որ Պոլսո հայ համայնքում Աթեշյանի մեղքով աննախադեպ իրավիճակ՝ երկվություն է ստեղծվել: Գարեգին Բ-ն պետք է նրան զրկի սքեմից, կաթողիկոսը երբ ուզի, կարող է սա անել, բայց չգիտես ինչու, չի անում: « Հայաստանյաց առաքելական եկեղեցու առաջիկա՝ Մոսկվայում կայանալիք ժողովներում անդրադառալու են Արամ Աթեշյանի խնդրին, պիտի քննության առնեն նրա կեցվածքը և գնահատականներ պիտի տրվեն: Կարծում եմ՝ նման կեցվածքը չեն հանդուրժի և Արամ Աթեշյանը պատժի կենթարկվի հենց այս Գերագույն հոգևոր ժողովի ընթացքում»,- նշեց Հացպանյանը: Պոլսո հայոց պատրիարքարանում պատրիարքի ընտրության հետ կապված լարված իրադրության պատճառով Ստամբուլի հայերը change.org–ում ստորագրահավաք են սկսել փոխպատրիարք արք. Արամ Աթեշյանի դեմ։ Ստորագրահավաքի կազմակերպիչները կոչ են անում եկեղեցուց հեռացնել արք. Արամ Աթեշյանին և հետ վերցնել նրա հոգևոր կոչումները։