Հայտնի է «Եվրատեսիլ»-ի հաղթողի թեկնածուի անունը. բուքմեյքերներ

«РИА Новости»-ն հղում անելով բուքմեյքերներին, նշում է, որ «Եվրատեսիլ-2017» երգի մրցույթի ավելի հավանական հաղթողը իտալացի Ֆրանչեսկո Գաբիանին է:Գաբիանիի հաղթանակի գործակիցը, համաձայն Oddschecker.com կայքում հրապարակված տվյալների, կազմում է 2/1: Դա նշանակում է, որ եթե մեկ դոլար խաղադրույք դրվի նրա օգտին, շահած գումարը կկազմի 2 դոլար: Հիշեցնենք, որ Կիևում այսօր տեղի կունենա մրցույթի եզրափակիչը: Երկու կիսաեզրափակիչների արդյունքներով լավագույն երգչի կոչման համար պայքարելու իրավունք ստացան Հայաստանը, Հունաստանը, Մոլդովան, Ադրբեջանը, Շվեդիան, Պորտուգալիան, Լեհաստանը, Ավստրալիան, Կիպրոսը, Բելգիան, Բուլղարիան, Բելառուսը, Խորվաթիան, Հունգարիան, Դանիան, Իսրայելը, Ռումինիան, Նորվեգիան, Նիդերլանդներն ու Ավստրիան: