Թաթիկին կպա, անբացատրելի զգացողություն էր. հնգյակի մայրը տեսել է երեխաներին

«Շողակաթ» հեռուստաընկերության «Եկեղեցական կյանք» հաղորդման հետ զրույցում Երևանում լույս աշխարհ եկած հնգյակի մայրը՝ 23-ամյա Լուսինե Պողոսյանը պատմել է, որ իր երեխաներին տեսել է միայն մայիսի 11-ին՝ ծննդաբերությունից 8 օր անց: «Շատ ուրախացա, շատ-շատ էի սպասում այդ հանդիպմանը: Թաթիկին կպա, անբացատրելի է զգացողությունը, թե ինչ զգացի»,- ասել է Լուսինեն: Աննան, Ռոզին, Արան մայիսի 3-ին Երևանում լույս աշխարհ եկած հնգյակից երեքն են, երկու աղջիկը ծնվելուց օրեր անց մահացել էին: Ծնվելուց անմիջապես հետո երեխաները տեղափոխվել էին տարբեր բժշկական կենտրոններ՝ վերականգնումն արագ կազմակերպելու նպատակով: Բժիշկների գնահատմամբ՝ այժմ աղջիկների վիճակը կայուն ծանր է, տղայինը՝ ծայրահեղ ծանր: