Ազգերի փոխարեն, կարծես, սորոսական սուրոգատ ստեղծելու գործընթաց է գնում. Ռ. քոչարյան
«Չեմ կարծում, որ բանակցային գործընթացը հնարավոր է հետ բերել առանց կորուստների: Կորուստները բանակցային դիրքերում, ինչպես նաև ժամանակը։ Սակայն հնարավոր է։ Ամենից վտանգավորը՝ այս պահին ասել, որ այլևս հնարավոր չէ հետդարձը և ստիպված պետք է շարունակենք այն ճանապարհով, որով այսօր գնում ենք։ Իմ տպավորությամբ՝ այսօր իշխանությունը սկսել է հասկանալ ինչ-որ բաներ։ Համենայնդեպս, վերջին արձագանքները Տավուշի մարզում դեպքերից հետո ցույց են տալիս, որ սկսել են ինչ-որ բան հասկանալ։ Հասկանալ, որ ինչ-որ բան այն չեն անում։ Միգուցե, դա կարճատև սթափեցնող հանգամանք է, բայց, սպասենք, տեսնենք», - 3 հեռուստաընկերությունների լրագրողների հետ հանդիպմանն ասել է ՀՀ երկրորդ նախագահ Ռոբերտ Քոչարյանը։
«Այսօրվա իշխանության մեծ մասը եկել է այն հասարակական կազմակերպություններից, որոնք ձևավորվել են գլոբալիզացման երկրորդ թրենդից: Ամբողջ երկիրը տանում են այնտեղ, որտեղից բոլորն այժմ փախչում են Մեզ տանում են մի թրենդի մեջ, որն այսօր մարում է: Սա ուղղակի պետք է կապել արտաքին քաղաքականության հետ: Ես չեմ հասկանում՝ ուր ենք գնում և ինչի համար: Ազգերի փոխարեն, կարծես, սորոսական սուրոգատ ստեղծելու գործընթաց է գնում: Ճոճանակը հիմա հետ է գնում, և մենք մնում ենք հակառակ ուղղության մեջ», - ասել է ՀՀ երկրորդ նախագահը:
Հետևեք մեզ Viber-ում
