Սուտ հերքումներ ու մեղադրանքներ՝ ուղղված լրագրողներին
Նախօրեին Սպիտակ Շորժայի լողափին մեծ բացօթյա փարթի կազմակերպած պատգամավոր Հայկ Սարգսյանին համացանցը Լինչի դատաստանի էր ենթարկում։ Խմբակցության ղեկավար Լիլիթ Մակունցը, ասուլիս տալով, փորձեց հանգստացնել մարդկանց, թե Հայկը ներողություն է խնդրում, նա ընդամենը մի քանի րոպե դիմակ չի կրել եւ փարթիի կազմակերպիչը չի եղել, ինչն ավելի վրդովեցրեց մարդկանց։ Եթե տեսակադրեր չլինեին, հաստատ՝ այդքանն էլ չէին խոստովանի։ ԱԺ «Իմ քայլը» խմբակցության պատգամավոր Հայկ Սարգսյանն անմիջապես հարձակվեց լրատվամիջոցների վրա՝ մեզ մեղադրելով իր դեմ պատվեր կատարելու մեջ։
Ոստիկանությունը ստիպված եղավ այցելել լողափ եւ տուգանել պատգամավորին եւ էլի մի քանիսի՝ դիմակ չկրելու համար։ Նա անդրադարձել է նաեւ այն լուրերին, թե այդ լողափն իրեն է պատկանում․ «Ինչ վերաբերում է այն լուրերին, թե իբրեւ լողափի հանգստյան գոտին ինձ է պատկանում, կամ միջոցառումը ես եմ կազմակերպել, իրականությանը չեն համապատասխանում։ Ոստիկանության ներկայացուցիչներն այսօր արձանագրություն կազմեցին, եւ ես, ինչպես նաեւ երեկոյին մասնակցած մեր այլ քաղաքացիներ դիմակ չկրելու համար տուգանվեցինք։ Ներողություն եմ խնդրում նաեւ պարետատնից եւ մեր քաղաքական թիմից՝ անզգուշությամբ այսպիսի մեծ եւ անհարկի աղմուկի առիթ տալու համար»։
Նշենք, որ այս հերքումն էլ մարդկանց զայրացրեց, նրանք սկսեցին մեղադրել նրան եւ Մակունցին՝ սուտ խոսելու մեջ։
Հետևեք մեզ Viber-ում
