Քանի պատերազմ է, իշխանությունը սղղացնում է իր շահերը սպասարկող նախագծեր
Խորհրդարանի արտահերթ նիստում առաջին ընթերցմամբ քննարկվեց, իսկ այսօր մեծ է հավանականությունը, որ կընդունվի իշխանության եւս մի նախագիծ, որը սպասարկում է իր խմբակի շահերին, չի բխում երկրում առկա ոչ պանդեմիայով պայմանավորված իրավիճակից, ոչ պատերազմական, այլ աղմկահարույց նախագծով իշխանությունը սահմանափակում է ընդդիմության լիազորությունները: Ազգային ժողովի կանոնակարգ և Կոռուպցիայի կանխարգելման հանձնաժողովի մասին օրենքներում փոփոխություն անելու նախագծերի փաթեթով առաջարկվում է կոռուպցիայի կանխարգելման հանձնաժողովում թափուր պաշտոնը համալրել ոչ թե խորհրդաանի կոնսենսուսային թեկնածուով, ինչպես գործող օրենքն է սահմանում, այլ պետք է ԱԺ նախագահի կողմից ձևավորվի համապատասխան խորհուրդ, որը մրցույթի արդյունքում թկեկնածուին կներակայացնի խորհրդարանին:
«Գործող կարգով խորհրդում այդ անդամը պետք է նշանակվի կոնսենսուսով, ինչը հանգեցրել է իրավիճակի, որ կոնսենսուսի բացակայության պարագայում խորհուրդը չի ձևավորվում, ուստի հանձնաժողովում առկա թափուր պաշտոնը չի համալրվում»,-ասաց նախագծի հիմնական զեկուցող Իմ Քայլի պատգամավոր Սուրեն Գրիգորյանը:
Պատգամավորի խոսքով` չնայած կոռուպցիայի կանխարգելման հանձնաժողովում այժմ քվորում կա, սակայն անդամների թիվը չորս է, ինչը նշանակում է, որ ձայների հավասար բաշխվելու դեպքում որոշիչ կարող է լինել հանձնաժողովի նախագահի ձայնը:
Ընդդիմությունը դեմ է փոփոխությանը: «Լուսավոր Հայաստան» խմբակցության պատգամավոր Արկադի Խաչատրյանը նկատեց, որ այդ լիազորությունը տրված է կոլեգիալ մարմնին, այլ ոչ թե կոնկրետ պաշտոնյայի: Էդմոն Մարուքյանն ասաց, թե կոնտր, կառուցողական առաջարկ ունի։ «Երկար քննարկումներից հետո, երբ որ մրցութային հանձնաժողով ունենալու օրենքի ժամկետներն անցել էր, որոշվեց, որ ամեն խմբակցություն ներկայացնի իր ներկայացուցչին, և խորհրդարանը ընտրի ու ձևավորվի Հակակոռուպցիոն հանձնաժողովը։ Բայց օրենքի մեջ գրված է, որ դա մեկանգամյա գործընթաց է։ Արդեն քաղաքական մեծամասնությամբ ասվել է, որ հանձնաժողովը արդյունավետ չէ։ Առաջարկում եմ օրենքի մեջ փոփոխություն անել, վերացնել մրցութային հանձնաժողովը և թույլ տալ ամեն ուժին, որը որ ներկայացրել է թեկնածու, թեկնածուի հրաժարականի պարագայում առաջարկել նոր թեկնածուի։ Հիմա թափուր է «Իմ քայլը» դաշինքի թեկնածուի տեղը, պետք է թեկնածու ներկայացնի դաշինքը․ սրանից կառուցողական բան չի կարող լինել»,- նշեց Մարուքյանը։ Նա նշեց, որ խմբակցությունն ունի թափուր տեղ կառաջարկի թեկնածու, իրենք էլ կընտրեն և եթե շաղացնել րունակական լինի՝ դրանից լավ առաջարկ չի կարող լինել։
Բայ իշխող ուժում առկա տրամադրություններից հասկացվեց, որ առաջարկը իրենս սրտով չէ: Քանի երկրում պատերազմական իրավիճակ է, ինչու չսղղացնել նման օրենք, որը երկարաժամկետ է սպասարկելու իրենց շահերը: Այս գործելաոճն իշխանության մոտ ձեռագիր է դարձել, արտակարգ դրության ժամանակ էլ խորհրդարանում վավերացվեցին այնպիսի խնդրահարույց նախագծեր, ինչպիսիք էին ապօրինի գույքի բռնագանձման, բանկային գաղտնիքի մասին օրենքները, Լանսարոտեի կոնվենցան, եւ ի վերջո, սահմանադրական փոփոխություններն ու ՍԴ-ի մասին բոլոր նախագծերը:
Հետևեք մեզ Viber-ում
