Վարչապետը հրաժեշտ տվեց Արփինե Հովհաննիսյանին

Կառավարության նիստի ավարտին վարչապետ Կարեն Կարապետյանը տեղեկացրեց, որ արդարադատության նախարար Արփինե Հովհաննիսյանն ազատվել է զբաղեցրած պաշտոնից: «Ուզում եմ բոլորիս անունից շնորհակալություն հայտնել Ձեզ` տիկին Հովհաննիսյան, արդյունավետ աշխատանքի համար: Ցանկանում եմ ամենայն բարիք և այն արդյունավետությունը, որ ցուցաբերել եք կառավարությունում, ցուցաբերեք նաև Ազգային ժողովում»,- ասաց վարչապետը: Արփինե Հովհաննիսյանն էլ շնորհակալություն հայտնեց գործադիրի անդամներին համատեղ աշխատանքի համար ու բոլորին մաղթեց արդյունավետ աշխատանք։