Կաշվե տաբատ, սպոևտային կոշիկներ ու սուպերմինիներ. Ֆրանսիայի 64- ամյա առաջին տիկնոջ ոճը/տեսաշար/

Wnews.am-ն արդեն գրել է Ֆրանսիայի նորընտիր նախագահ 39-ամյա Էմանուել Մակրոնի և 64-ամյա  Բրիջիդի անհավանական սիրո պատմության մասին:  Սեփական ուսուցչուհու հանդեպ սիրո և հետագայում նրա հետ ամուսնանալու  փաստը մեծ հետաքրքրություն էր առաջացրել միջազգային մամուլում, ինչին հաջորդեցին անձամբ Բրիջիդին վերաբերող նյութեր: Fashion ամսագրերը սկսեցին քննարկել տիկին Մակրոնի  ոճը՝ ի վերջո նա նորաձևության մայրաքաղաք Փարիզի առաջին տիկինն է: Մի քիչ տարօրինակ, բոհո ոճ. բրոնզե մաշկ, գրեթե սպիտակ մազեր, երկար ոտքեր և լայն ժպիտ: Տիկին Բրիջիդը մի քիչ անսովոր առաջին տիկին է, նա չի կրում դասական կոստյումներ, գորշ գույներ և ձանձրալի կոշիկներ: Միգուցե դեռ չի հասցրել փոխել զգեստապահարանը, այնուամենայնիվ, այն ինչ տեսնում ենք՝ հարմարավետությունն է ու ազատությունը: Նա չի վախենում էքսպերիմենտներ անել ու խառնել ոճերը՝  ժանյակե սպիտակ զգեստ և զամշե վերարկու, skinny ջինս կամ կաշվե տաբատ, սպորտային կոշիկներ: Մայիսի 7-ին ՝ ընտրություններին հաջորդող արարողությանը տիկին Մակրոնը կրում էր Louis Vuitton-ի  պիջակ՝ մետալիկ վզկապով և կաշվե տաբատ: Հետաքրքիր է, որ 64-ամյա Բրիջիդը չի խուսափում կարճ կիսաշրջազգետներից՝ հաճույքով ցուցադրելով ոտքերը: Ընդ որում՝ կրում է դրանք առանց զուգագուլպաների, որն այդ տարիքում բավական համարձակ քայլ է: Նրա ինքանվստահությանը կարելի է միայն նախանձել: Ֆրանիսիայի առաջին տիկինը ոչ մի խնդիր չի տեսնում նաև լողազգեստով ամսագրի շապիկին հայտնվելու մեջ: Մեզ Ֆրանսիայի առաջին տիկինը դուր է գալիս: Վստահ ենք, որ դեռ շատ fashion անակնալներ ենք ստանալու նրանից: