Հայաստանում ընթանում է հիբրիդային պատերազմ. Երվանդ Բոզոյան (video)
Արմնյուզ ՀԸ Անժելա Թովմասյանի՝ «Հայելու առաջ» հեղինակային հաղորդման ժամանակ «Պոլիտէկոնոմիա» կենտրոնի փորձագետ, քաղաքագետ Երվանդ Բոզոյանն, անդրադառնալով Հայաստանում զարգացող հակառուսական տրամադրություններին՝ քաղաքագետը նշել է. «Չէի ասի՝ կոնկրետ հակառուսական քայլեր են արվում, պարզապես այս իշխանությունը գաղափար չունի՝ Հայաստանի պետականության ուղենիշն ինչպես է զարգանում: Դրա համար էլ չի կարելի ասել, որ այս մարդիկ որևէ ուղենիշի ներկայացուցիչ են»:
Քաղաքագետի դիտարկմամբ՝ այս իշխանությունը չի պատկերացնում՝ ինչ է իրենից ներկայացնում Ռուսաստանը. «Իշխանությունը չի հասկանում՝ ինչպիսի հարաբերություններ պետք է ունենալ Ռուսաստանի հետ, որպեսզի այդ երկրից վտանգներ չլինեն, բայց մաքսիմալ օգնություն շահենք»:
Երվանդ Բոզոյանը կտրականապես չի ընդունում այն տեսակետները, համաձայն որոնց՝ մի մասն ասում է՝ պետք է Ռուսաստանին սիրաշահել, մյուս մասն էլ՝ պետք է հպատակ չլինեն այդ երկրին. «Հայաստանը Ռուսաստանի հետ պետք է ամրացնի դաշնակցային հարաբերություները Ռուսաստանի հետ, որով մենք շատ ավելի ուժեղ կդառնանք»:
Հետևեք մեզ Viber-ում
