Սաակաշվիլիի առաջարկը. դադարեցնել ԱՄՀ-ի հետ Ուկրաինայի համագործակցությունը

korrespondent.net-ը գրում է,որ «Эра ФМ» ռադիոյի եթերում  Ուկրաինայի Օդեսա շրջանի նահանգապետ Միխեիլ Սաակաշվիլին դեմ է հանդես եկել Արժույթի միջազգային հիմնադրամի հետ Ուկրաինայի համագործակցությանը։ «Որքան շատ մենք ոչինչ չանենք, այնքան շատ նրանք մեր առաջ պայմաններ կդնեն: Մեզ համար կատարյալ վիճակ կլինի այն, որ ԱՄՀ-ն ընդհանրապես այստեղ չլինի։ Վրաստանում մենք ԱՄՀ-ն հեռացրինք մեկ տարի անց: Ազատվեցինք: Եվ իմ նախագահության տարիները ես անցկացրել եմ առանց որևէ ԱՄՀ-ի: Հաշվետվու չեմ եղել Լագարդին »,- նշել է Սաակաշվիլին: «  ԱՄՀ-ն համեմատում ենք վիրաբույժի հետ: Քո մատներին վիրակապ է անհրաժեշտ, նա ասում է՝ ինչի՞ վիրակապ, արի ամբողջ ձեռքդ կտրենք, որ էլ չտանջվենք ու ռիսկի չդիմենք»,- հավելել է Սաակաշվիլին: