Շտապ. երկիրն ազատել վարակակիր Նիկոլ Փաշինյանից

Հունիսի 24-ին իշխանական Իմ Քայլը խմբակցության երկու պատգամավորներ՝ Քրիստինե Պողոսյանն ու Վիկոտ Ենգիբարյանը հայտարարեցին կորոնավիրուսով վարակված լինելու մասին: Պողոսյանը մանրամասնեց, ամսի 23-ին ստացել է թեստի դրական պատասխանը, ինչը ենթադրում է, որ պատգամավորը, առնվազ մի քանի օր, գանգատներ է ունեցել ու թեստ է հանձնել: Հայտնի է, որ հունիսի 22-ին իշխող թիմը միաձայն 88 պատգամավորով կողմ քվեարկես սահմանադրական փոփոխությունների նախագծին: Նիկոլ Փաշինյանը մի գիշերվա ընթացքում բերման էր ենթարկել խմբակցությանը՝ թերեւս նախապես տեղյակ լինելով, որ ՍԴ-ն Քոչարյանի գործին առնչվող Վենետիկից եւ ՄԻԵԴ-ից ստացված կարծիքների քննության նիստի օրը որոշելու հարցով երկուշաբթի աշխատակարգային նիստ է հրավիրել: Նույն օրը Իմ Քայլի պատգամավորները հրավիրեցին արտահերթ նիստ՝ սահմանադրական փոփոխությունների նախագիծն ընդունելու հարցով, ապա ինֆորմացիոն արտահոսքը կազմակերպեցին այնպես, թե արտահերթ նիստն է ՍԴ աշխատանքային նիստ հրավիրելու շարժառիթ դարձել:

Վերադառնանք մեր նյութի բուն խնդրին: Փաստ է, որ այդ օրը ԱԺ էին բերման ենթարկվել բոլոր պատգամավորները, հաշվի չէին առել, որ նրանցից մի քանիսն արդեն պոտենցիալ վարակակիր է, ախտանիշներ ունի, այսպիսով միտումնավոր նպաստելով խորհրդարանում վարակի տարածմանը: Մեզ հայտնի է դարձել, որ իրականում վարակված են ոչ թե երկու պատգամավոր, այլ շատերը, որոնց մասին գաղտնի է պահվում հասկանալի պատճառներով: Սա նշանակում է, որ Հայաստանում վարակի տարածման թիվ մեկ մեղավորը, կամ աղբյուրը Նիկոլ Փաշինյանն է:

Իսկզբանե, նա հաշվի չառավ վարակի ներթափանցումը Հայաստան եւ շարունակում էր սահմանադրական հանրաքվեի քարոզարշավը: Ապա չտիրապետելով իրավիճակին՝ թույլ էր տալիս, որ պատկան մարմինները հակասական հայտարարություններ անեն, առողջապահության նախարարի մակարդակով, ընդհուպ, հայտարարելով, որ դիմակը չի պաշտպանում: Չդադարեցրեց անկաշկանդ շփումները գործադիրի իր ենթակաների հետ, ընտանյոք հանդերձ ընկան փողոցներ՝ կորոնավիրուսի դեմ պայքար ուղեցույցներ բաժանելու, վերջում պարզվեց, որ ինքն ու ընտանիքը վարակակիր են: Պատկերացնել կարելի է, թե քանի քանիսն են նրանցից վարակվել: Եւ այս ամենը դաս չեղավ նրա համար: Հիմա էլ պարզվում է, որ նա իր քաղաքական պլաններին է ստորադասել մարդկանց առողջություը: Մի կողմից գործադիրի վերնախավին մասնակից է դարձնում դիմակահանդեսի խեղկատակությանը եւ բոլորին փողոց է դուրս հանում, որպեսզի մարդկանց դիմակ նվիրեն եւ քարոզեն պահպանել անվտանգության միջոցառումները՝ դիմակ կրել, սոցիալական դիստանցիա պահել, մյուս կողմից սահուն կերպով իրականացնում է իր քաղաքական կեղտոտ ծրագրերը, տարատեսակ օրենքներ ու կոնվենցիաներ սղղացնում արտակարգ իրավիճակի պայմաններում:

Իրադարձությունների հաջորդական վերլուծությունը ցույց է տալիս, որ երկրում թագավարակի տարածման գլխավոր աղբյուրը ինքը՝ վարչապետն է, հետեւաբար օր առաջ նրանից, հենց նրանից է պետք ազատել երկիրը:

Անի Սահակյան