Թուրքիան կարող է վիզային ռեժիմ մտցնել Ադրբեջանի հետ
Ադրբեջանական լրատվամիջոցները հայտնում են,որ Թուրքիան մտադիր է վիզային ռեժիմ մտցնել Ադրբեջանի հետ: Վիզային ռեժիմ կներդրվի նաեւ Վրաստանի, Իրանի, Ղազախստանի, Ղրղզստանի . Թուրքմենիայի, Ռուսաստանի ու Տաջիկստանի հետ: Վիզային ռեժիմն ուժի մեջ կմտնի 2016 թ. հունիսից: Թուրքիայի կողմից վիզային ռեժիմի ներդրումը Եվրամիության պահանջներից մեկն է: Միեւնույն ժամանակ haqqin.az–ի հարցմանն ի պատասխան՝ Թուրքիայի ԱԳՆ հյուպատոսական բաժնից հայտնել են, որ «այս պահին Թուրքիան Ադրբեջանի քաղաքացիների համար ոչ մի վիզային սահմանափակում չի մտցրել. նրանք առաջվա պես կարող են առանց վիզաների 30 օր Թուրքիայի տարածքում գտնվել: Թե ինչ որոշումներ կկայացվեն ավելի ուշ՝ հայտնի չէ»: «Այս տարվա աշնանը Թուրքիան ԵՄ հետ անվիզա ռեժիմ կստանա, ու Եվրամիության պահանջներից մեկը հենց վիզային ռեժիմի ներդրումն էր այն երկրների հետ, որոնք ԵՄ հետ նման համաձայնագիր չունեն: Օրինակ Վրաստանի, Մոլդովայի ու Ուկրաինայի քաղաքացիների համար Թուրքիան կարող է եւ չընդունել նման որոշում, քանի որ նրանք ԵՄ հետ համապատասխան պայմանագիր ունեն»,- պարզաբանել են ԱԳՆ-ում:
Հետևեք մեզ Viber-ում
