Հրայր Թովմասյանը գլուխը կախ գալիս իր աշխատանքն անում, գնում է. Հրայր Թովմասյան (video)
ՍԴ նախագահ Հրայր Թովմասյանը լարգրողների հետ զրույցում հայտարարեց, որ որպես իրավաբան, երեկ մեր Ազգային ժողովում տեղի ունեցածի համար ամոթի զգացում ունի:
Տհաճ չէ արդյո՞ք աշխատել պայմաններում, երբ իշխող ուժից անընդհատ հայտարարում են, որ ինքը լեգիտիմ չէ, չի վայելում ժողովրդի վստահությունը, պետք է հեռանա, Թովմասյանն ասաց. «Ինձ համար նախկին իշխանության, նոր իշխանության, հին իշխանության ասածները հարյուրերորդական են: Հրայր Թովմասյանը գլուխը կախ գալիս իր աշխատանքն անում, թողնում գնում է»:
ԱԺ-ի ընդունած նախագծի մասին էլ ասաց, որ դրան ինքը չի ծանոթացել, նման նախագիծ չի տեսել, այն ՍԴ չի գնացել:
Հարցին՝ արդյո՞ք ՍԴ-ի շուրջ հիմա տեղի ունեցողը իրավական է, թե՝ քաղաքակա՞ն է, Թովմասյանը կատակեց. «Երեկ ինչ-որ մեկն ասաց, որ այս ամեն ինչ արվում է, որ մարդիկ երջանիկ ապրեն: Ես ուզում եմ հավատալ մեր պատգամավորներին, որ այս փոփոխություններից հետո բոլորը երջանիկ են ապրելու»:
Նա ասաց, որ ինքը շարունակելու է գալ աշխատանքի ու անել իր գործը:
Հետևեք մեզ Viber-ում
