Փաշինյանը փորձում է բանակցել Ծառուկյանի հետ

Ինչպես հայտնի է՝  ԲՀԿ ղեկավար Գագիկ Ծառուկյանի կալանավորման միջնորդությունը հնարավոր դարձավ խորհրդարանում նրան պատգամավորական անձեռնմխելիությունից զրկելուց հետո:

«Բարգավաճ Հայաստան»-ի առաջնորդին կալանավորելու միջնորդությունը դատարան է ներկայացրել Ազգային անվտանգության ծառայությունը հունիսի 16-ի երեկոյան։ Նա մեղադրվում է Քրեական օրենսգրքի 154.2 հոդվածով՝ ընտրողներին կաշառք տալ, կաշառք ստանալ, ընտրությունների ժամանակ բարեգործության արգելքը խախտել կամ ընտրողի ազատ կամքի իրականացմանը խոչընդոտել։

ԲՀԿ առաջնորդը պնդում է, որ քրեական գործը շինծու է, հորինված է քաղաքական պատվերով՝ հունիսի 5-ի իր հայտարարությունների պատճառով, երբ պնդել էր, որ Կառավարությունը ձախողվել է բոլոր ոլորտներում ու 100 տոկոսով պետք է փոխվի:

Կալանքի որոշումը կհրապարակվի կիրակի:

hayeli.am-ը արդեն գրել է, որ մինչ այս ամենը վարչապետ Նիկոլ Փաշինյանը սուրհանդակներ է ուղարկել Գագիկ Ծառուկյանի մոտ՝ առաջարկելով 100 միլիոն դոլար մուծվել, հրաժարվել ԲՀԿ-ից եւ քաղաքականությունից, միայն դրանից հետո իշխանությունը կդադարեցնի Ծառուկյանի նկատմամբ հետապնդումները: Սակայն Ծառուկյանը կտրուկ մերժել է առաջարկվող գործարքը եւ ասել, թե միայն խելագարը Նիկոլ Փաշինյանի հետ գործ կբռնի, կհամագործակցի, ասել է, որ փոխանցեն վարչապետին՝ ինքը գնալու է մինչեւ վերջ՝ պայքարի ճանապարհով:

Մեր ունեցած տեղեկություններով՝ Փաշինյանը կրկին բանագնացեր է ուղարկել Ծառուկյանի մոտ բանակցությունների, և ձգձգումները պայմանավորված են հենց այս հանգամանքով: