Սամվել Ալեքսանյանը ևս ցանկացել է գրավի վճարմանը մասնակցել, սակայն նրան մերժել են

 Վերաքննիչ դատարանը որոշում է կայացրել ՀՀ 2–րդ նախագահ Ռոբերտ Քոչարյանի խափանման միջոց կալանքը փոխելու մասին։ Սահմանվել է աննախադեպ բարձր՝ 2 միլիարդ դրամ ՝ ավելի քան 4 միլիոն դոլար  գրավ։

Գրավի գումարի մեծ մասը տվել են ռուսաստանաբնակ գործարար Սամվել Կարապետյանը («Տաշիր Գրուպ»), գործարար Սերգեյ Համբարձումյանը («Группа компаний «Монарх»»), ռուսաստանյան հայտնի միլիարդատեր, «Սիստեմա» բաժնետիրական ֆինանսական կորպորացիայի խոշոր բաժնետեր Վլադիմիր Եվտուշենկովը (ի դեպ, Ռոբերտ Քոչարյանը «Սիստեմայի» տնօրենների խորհրդի անկախ տնօրեն է), ռուսաստանաբնակ հայտնի գործարար և բարերար Գենադի Ստեփանյանը։ Ռոբերտ Քոչարյանն արդեն ազատվել է և տանն է:

Մեր ունեցած տեղեկություններով՝ մեծ ակտիվություն է ցուցաբերել գործածար Սամվել Ալեքսանյանը, որը ևս ցանկացել է Քոչարյանի ազատության համար գրավի վճարմանը մասնակցել, հավանաբար հասկանալով, որ ինչ-որ բան կարող է փոխվել,  հողը կարող է վարչապետ Նիկոլ Փաշինյանի ոտքերի տակից փախչել, սակայն նրան հասկացրել են, որ դրա կարիքը չկա. մերժել են գրավի համար գումար տրամադրելու նրա առաջարկը: