Շատ և անհասկանալի ալիքներ ունենալու փոխարեն, ունենալու ենք քիչ, բայց լավ ալիքներ. Վահագն Թևոսյան
«Տեսալսողական մեդիայի մասին» օրենքի քննարկման ժամանակ օրենքի հիմնական զեկուցող պատգամավոր Վահագն Թևոսյանը, ներկայացնելով, թե օրենքն ինչն է կարգավորելու, նշել է, որ բոլոր կառույցները, բացառությամբ ինտերնետային կայքերի և յութուբյան ալքիների, և այդ կայքերի կողմից յութուբում հեռարձակվող կոնտենտի, ամբողջ կառույցները բերվել են կարգավորման դաշտ՝ ալֆայից մինչև օմեգա:
Ինչպես ասաց` փորձելու են մոդել մուծել այս օրենքին, որ խոսքի ազատությունը մազ անգամ վտանգված չլինի, բայց նաև խոսքի ամենաթողությունը առնվազն հանրային մուլտիպլեքսում հնարավոր լինի սանձել:
«Ես կարծում եմ, որ հարաբերությունների հստակեցումը, կանոնների հաստատումը, մոնոպոլիաների վերացումը և մրցակցային միջավայրի խթանումը, երբ հնարավորություն ես տալիս օրենքով որոշակի վերապահումներ ունենալ քո կոնկուրենտի մասով, արդյոք նա մրցակցային միջավայրին ճիշտ է վերաբերվում, արդյոք կանոներ չի խախտում, ապա այս ամենը խթանելու է, որ շատ ու անհասկանալի ալիքների փոխարեն մենք ունենանք քիչ, բայց լավ ալիքներ, նույնիսկ կարող է չքչանա էլ»,- ասաց Թևոսյանը:
Հետևեք մեզ Viber-ում
