Թուրքերը պետք է ծնկի գան հայերի և քրդերի առաջ. Ժիրինովսկի

Վլադիմիր Ժիրինովսկին այն կարծիքին է, որ աշխարհի շատ ժողովուրդներ ստիպված կլինեն ծնկի գալ իրենց իշխողների, պետությունների և հասարակության վայրագությունների համար:

Որպես օրինակ ՌԴ քաղաքական գործիչը բերել է  սպիտակամորթ ամերիկացիներին` նշելով, որ նրանք պետք է  ծնկի գան ոչ միայն աֆրոամերիկացիների առջև, այլև նրանց ոչնչացրած հնդկացիների:  Շարունակելով ցանկը, նա գրել է. «Այսպես, Բրիտանացիները պետք է ծնկի գան հնդիկների, չինացիների, աֆրիկացիների առաջ: Բելգիացիները՝ աֆրիկացիների, հատկապես Կոնգոյի ժողովրդի առջև: Ֆրանսիացիները` աֆրիկացիների, վիետնամցիների: Գերմանացիներն ու ճապոնացիները ամբողջ աշխարհի առջև: Թուրքերը՝ քրդերի և հայերի առջև: Արաբները՝ քրդերի: Լեհերը, շվեդները, ֆրանսիացիները, գերմանացիները, մոնղոլները՝ ռուսների առաջ: Պարսիկներ`հարևան ժողովուրդների առջև:

Ռուս բոլշևիկները պետք է ծնկի գան ռուս ժողովրդի առջև այն փաստի համար, որ խորհրդային ռեժիմի 73 տարում նրանք այդքան մեծ տառապանք ու վիշտ բերեցին», - գրել է Ժիրինովսկին։