Հովիկ Աբրահամյանի ընտանիքը ևս վարակվել է կորոնավիրուսով. կան բարդացումներ

Հունիսի 11-ի, ժամը 11:00-ի դրությամբ Հայաստանում հաստատվել է կորոնավիրուսային հիվանդության ընդհանուր 14669 դեպք, որոնցից 5466-ն` առողջացած, 245-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 8876 պացիենտ: Ընդհանուր առմամբ կատարվել է 75389 թեստավորում:

Մեր ունեցած տեղեկություններով՝ նախկին վարչապետ Հովիկ Աբրահմյանի ընտանիքը ևս վարակվել է նոր կորոնավիրուս հիվանդությամբ, մասնավորապես նրա դստեր ընտանիքն է հիվանդ եղել: Դստեր ընտանիքը երկու շաբաթ ինքնամեկուսացված է եղել: Վերջին մի քանի օրերին Հովիկ Աբրահամյանի տիկնոջ՝ տիկին Ջուլիետայի ինքնազգացողությունը ևս լավ չէ, կասկածներ կան, որ նա ևս վարակվել է, վերջինիս մոտ որոշ բարդություններ են առաջացել:

hayeli.am-ի խմբագրակազմը Աբրահամյանների ընտանիքին շուտափույթ ապաքինում է մաղթում: