Մենք մտադիր չենք օտարերկրյա նոր ռազմաբազա բացել. Վիգեն Սարգսյան
Interfax գործակալությանը տված հարցազրույցի ժամանակ ՀՀ պաշտպանության նախարար Վիգեն Սարգսյանն ասել է,որ Երևանը չի նախատեսում երկրի տարածքում բացել օտարերկրյա պետությունների նոր ռազմաբազաներ, այդ թվում՝ ռուսական, բայց նախատեսում է արդիականացնել Գյումրիում Ռուսաստանի բազան: «Այժմ Հայաստանում այլ երկրների ռազմաբազաներ բացելու քննարկումներ հաստատ չկան: Մենք նման հարցում չունենք նաև ռուսական կողմից:Գյումրիում տեղակայված 102-րդ ռուսական ռազմաբազան մեծ նշանակություն ունի: Մենք ինտենսիվ կերպով շփվում ենք ռուս գործընկերների հետ բազայի արդիականացման, հնարավորությունների ընդլայնման հարցերի շուրջ: Կան հստակ թեմաներ, ուղղություններ, որտեղ մեր համատեղ աշխատանքի արդյունքում կարող են ի հայտ գալ համագործակցության նոր ձևեր:Խոսքը հակաօդային պաշտպանության ոլորտում համագործակցության մասին է»,-ասել է Սարգսյանը: «Ռուսաստանն աջակցում է Հայաստանի Զինված ուժերի ամրապնդմանը: Ներկա պահին մենք Ռուսաստանի հետ շատ ծրագրեր ունենք. մեր կուրսանտների դասընթացներից մինչև գործողությունների համատեղ պլանավորում»,-հավելել է նա:
Հետևեք մեզ Viber-ում
