ԲԱՑ ՆԱՄԱԿ «ԱՇՈՏԻ ՏԱՏԻՆ»

ԲԱՑ ՆԱՄԱԿ «ԱՇՈՏԻ ՏԱՏԻՆ»
Տիկնայք և Պարոնայք, բոլորս հիշում ենք 2018 թվականի բռնի հեղաշրջման ժամանակ Բաղրամյան պողոտայում տեղի ունեցած այն միջադեպը, երբ ցուցարարներից մեկը դիմեց սիմվոլիկ «Աշոտին»՝ որպես հավաքական կերպար պատմելով նրա տատի մասին։ Եվ այսպես...
Բարև «Աշոտի ՏԱՏ»։ Ինչպե՞ս ես։ Հիշու՞մ ես երբ որդիդ հրաման էր կատարում՝ պաշտպանելով ՀՀ Սահմանադրական կարգը, Դու որոշեցիր «կռիվ-կռիվ» խաղալ ու դուրս եկար միտինգավորների մեջ։ Այն ժամանակ Դու չէիր էլ հասկանում, թե ինչ են նրանք ուզում, բայց կոչերը, որ հնչում էին, հոգեվիճակը, որ տիրում էր, Քեզ դուր էր գալիս։ Եվ Քո պատճառով «Աշոտը» չկատարեց հրամանը ու հեռացավ՝ պատիժ կրելով։ Որովհետև սիրում էր Քեզ։ Ոչ թե որովհետև համարում էր, որ ճիշտ ես։
Հիմա՛ ինչպե՞ս ես, «Արդարության պատահական ազատամարտիկ»։ Լա՞վ ես... Կոմունալներդ դժվարանու՞մ ես վճարել... Դիմակով նստած ես տանը և մարդ չկա, որ Քեզ համար հաց գնի՞... Ամեն բան թանկացե՞լ է... Այն օրն էլ Աշոտը զանգեց ու ասեց, որ Քո ծոռին տրված պետության 26 000 խղճուկ դրամը պահանջել են հետ վերադարձնե՞լ... Նեղվել ես։ Հասկանում եմ։ Միամիտ ու մաքուր մարդ ես, ու Քեզ խաբեցին։ Պատահում է։ Ուղղակի ամբողջ կյանքդ մեծ ցուցադրողականությամբ և Հայրենիքի նկատմամբ ցածր պատասխանատվությամբ ես ապրել։ Ոչինչ։ Հիշու՞մ ես ինչ լավ էիր զգում երբ Մաշտոցի պողոտայի վրա խորոված էիր ուտում։ Կարծում էիր ձրի՞ է։ Հիմա դիմակներ գնելով այդ խորովածի փողն ես տալիս՝ ամսական 10 000 դրամի դիմակ գնելով ու վճարելով անհասկանալի է թե ինչի համար։ Ասե՞մ թե ինչի համար՝ այն խորովածի։ Տեսար թե ինչ թանկ խորոված ես կերել...
Սիրու՞մ ես հեքիաթներով ապրել։ Քեզ հեքիաթներով էլ կերակրեցին։ Գլուխդ լվացին։ Հիշու՞մ ես ասում էին՝ «Տեսա՞ք թե Փաշինյանը Պուտինին ոնց կզցրեց»։ Ձմեռը գազով ես տաքանալու չէ՞։ Նախկինում դժվարությա՞մբ էիր վճարում... իսկ հիմա՞։ Էէէէ Աշոտի գործերն էլ լավ չեն, որ գոնե Քեզ օգնի, բայց ինքը Քեզ շատ է սիրում ու չի նեղանում քեզանից։ Ուղղակի երբեմն որ զանգում է մեղմ նախատինքով ասում է՝ «Տատ ջան էս ի՞նչ արիր»։ Սպասում էիր, որ Ալեքսանյան Սամվելի կամ Սուքիասյան Խաչիկի ունեցվածքը ձեռքից կխլեն ու կբաժանեն Քե՞զ։ Պարզվեց, որ Քեզ հերթ չի հասնելու։ Դրանք էլ առաջվա պես Քեզ ու քո ընկերուհիներին կլպելու են ու կլպեն։
Ասում ես լավ չե՞ս... Ասում ես սխալվե՞լ ես... Պատահում է, ուղղակի երբեմն քայլ անելուց մտածիր թե այդ քայլիդ պատասխանատվությունը Քեզ ինչ գին է արժենալու։ Երբ դատարանի մոտ, արևին կանգնած, գոռում էիր «բանտարկեք Քոչարյանին», համոզված էիր, որ գոնե դրանից հետո լա՞վ ես ապրելու։ Չգիտեիր էլ թե ինչի համար պիտի բանտարկեն, ու ինչ վատ բան է արել նա։ Հը, ո՞նց ես ապրում... Քոչարյանը արդեն 2 տարի է բանտարկված է։ Ավելի վա՞տ... Քոչարյանի ժամանակ ավելի լա՞վ ես ապրել։ Ախր քեզ խամաճիկի պես խաղացրեցին ու խաբեցին...
Ասում ես թե հիասթափվա՞ծ ես։ Չէէէ այդպես չեղավ։ Էս «Բորշը» Դու՛ ես եփել, Աշոտի երեխուն Դու՛ ես սոված թողել, Աշոտի ընտանիքը Դու՛ ես անհույս թողել, էն անմեղ մարդուն՝ Ռոբերտ Քոչարյանին, ով իր կյանքը նվիրեց նրան, որ Քո աղջիկը կարողանա Աշոտի նման տղա ունենա ու առողջ մեծացնի, այլ ոչ էնպես, ինչպես շատերը մինչև 1998 թվականը՝ հիվանդ երեխաներ ունենա, Դու ես բանտարկել, ու չես թողնում, որ երկիրը՝ երկիր սարքի, ու Քեզ էլ արժանապատիվ կյանքի վերադարձնի...
Դու եփել էս ու Դու էլ կամ պիտի ուտես, կամ թափես։ Վեր կաց, մի թաքնվի տանը։ Ամբողջ Հայ ազգը ճանաչում է Քեզ ու գիտի, որ եթե Դու չլինեիր, այս խաբեբաները իշխանության չէին գա։ Մի թաքնվիր։ Որովհետև Քո եփած բորշը, ստիպողաբար մեզ ել են կերցնում։
Ներող ՄԵԾ ՄԱՅՐ, որ էսպես եմ դիմում, ուղղակի ես էլ եմ Քեզ շատ սիրում, ու կողքիդ կանգնելու եմ որ դուրս գաս։ Բայց այս անգամ հստակ իմացիր ինչի համար ես դուրս գալու՝ Արցախում զոհված Քո հարևան Ավետի պատվի ու հիշատակի համար ես դուրս գալու, որն այժմ ակտիվորեն պղծում են, ախր լավ մարդ էր, Դու էլ իրեն շատ էիր սիրում... Քո ծոռների ապագա կրթության համար ես դուրս գալու, որը հիմա ուղղակիորեն ոչնչացնում են, ախր դու ուզում ես, որ մեծ մարդ դառնան... Տատուդ երգած հայդուկական երգերի պահպանման համար ես դուրս գալու, որի փոխարեն, մեզ որպես մշակույթ՝ «Հուզանք ու զանգ» են մատուցում... «Որձակ ու Տեր» տղամարդկանց ու «Հեզ ու համեստ» կանանց պահպանման համար ես դուրս գալու՝ հիշու՞մ ես երբ հարս էիր ընտրում... կամ ինչպես ես փեսայովդ հպարտանում... Եղեռնից մազապուրծ եղած Քո պապի երազանքի համար ես դուրս գալու, որ աշխարհում՝ ՀԱՅԻ ՀԱՅԱՍՏԱՆ մնա, ԱՐԱՐԱՏ մնա... Չէ, մի կտոր հացի համար չես դուրս գալու, ինչով Քեզ խաբեցին 2018-ին ու չտվեցին... Ռոբերտ Քոչարյանի ազատության համար ես դուրս գալու, ով միշտ խոսքի տերն ա եղել ու հիմա էլ էս «Էրգիրը» նման այլանդակված վիճակից կշտկի...
Առողջ եղիր ՄԵԾ ՄԱՅՐ, անկախ նրանից, թե ինչ արեցիր 2018 թվականին, քանզի քանի Դու կաս՝ ազգը կա, ու անկախ այս ամենից, ինձ համար պատիվ է լինելու Քո առջև ծնկի գալ ու Քո գեղեցիկ՝ ՀԱՅ ԿՆՈՋ ՁԵՌՔԸ ՀԱՄԲՈւՐԵԼ, որովհետև եթե այսպես շարունակվի, Դու այս երկրի վերջին սուրբն ես լինելու։

Գրել է հոգեբան Միհրդատ Մադաթյանը

դիտվել է 1063 անգամ
Լրահոս
Լևոն Աբրահամյանն ընտրվել է Հայաստանի նկարիչների միության նախագահ ՀԷՑ-ը ստոլբեն լավ գնով չէր առել, մենք կխլենք այն` Ադրբեջանի և Թուրքիայի համակարգին կապելու համար Չեմ կարող ինձ համեմատել նրա հետ, դա անհնար է․ Սպերցյանը՝ Մխիթարյանի մասին Ես տեղափոխվում եմ Հայաստան. Դենիս Ջորկաեֆ Զոհվել է առնվազն 428 երեխա և դեռահաս Մայր Աթոռում կատարվել է 9 սարկավագների ընծայման կարգը «ԽԱՂԱՂՈՒԹՅՈՒՆԸ ՔԹԻ ՏԱԿ` ԽԱՂԱՂՈՒԹՅՈՒՆ ԵՆ ՄՈՒՐՈՒՄ»․ Լևոն Ջավախյան «Առաջին ագամը չէ, որ Փաշինյանի ասածը ոչ մի կապ չունի իրականության հետ»․ Հակոբ Բադալյան «Գուցե վաղն էլ նիկոլները բացատրեն, որ Արցախը հանձնելու որոշումը նույնպես միջազգային ստանդարտի պահանջն էր»․ Մետաքսե Հակոբյան «Այ քեզ լոգիկա․ ուրեմն գյուղի պո*նիկն ամենաանկախն է»․ Ոսկան Սարգսյան Այ Քաջ Նազար, գնա քո Ուստիաննայիդ դիմի․ Լևոն Զուրաբյանը պատասխանել է Նիկոլ Փաշինյանին Մի շարք տարածաշրջաններում անձրև է տեղում Երևանում «Jeep»-ը հետիոտնային անցման վրա վրաերթի է ենթարկել հետիոտնին Պահանջել եմ անձնագրիս մեջ ծննդավայրս չնշել Ադրբեջան․ Արտակ Բեգլարյան «Խաղաղության» անվան տակ հերթական զիջումը ժողովրդին որպես հաղթանակ ներկայացնել չի ստացվելու․ Արթուր Միքայելյան Ուկրաինայի համար անվտանգության ամենահստակ երաշխիքը ՆԱՏՕ-ին անդամակցությունն է. Զելենսկի Իրանը պատրաստ է երկու օրում բացել Հորմուզի նեղուցը՝ ԱՄՆ-ի պայմանների կատարման դեպքում․ Աբբաս Արաղչի ԱՄՆ ծովային հետևակի հռչակավոր վետերանին կասկածում են աշակերտների հետ շփման սահմանները խախտելու մեջ Չենք հաղթանակի ստին ու կեղծիքին, քանի դեռ չենք գիտակցել ու մեր ներսում չենք ապրել այն զրկանքների ու հալածանքների գոնե մեկ-քառորդ ծանրությունը, որոնց միջով անցնում է Բագրատ Սրբազանը Մի՛ թող, որ չասված խոսքերն ու չհաղթահարված վիրավորանքները խլեն քեզնից այն ժամանակը, որը կարող էիր անցկացնել սիրելիիդ հետ. Տեր Մովսես Իրանը ԱՄՆ-ի հետ հակամшրտության շրջանակներում բարձրացնում է լարվածության սանդղակը․ Ոսկանյան Իրանը ներկայացրել է ստորգետնյա «հրթիռային քաղաք» Դանիան մտադիր է առաջարկել արգելել ռուս զբոսաշրջիկների մուտքը ԵՄ երկրներ. Reuters Պայքար 6 ձայնի համար. ըստ Կարապետ Պողոսյանի՝ քրեաիրավական համակարգը ներգրավված է ընդդիմության դեմ կոմպրոմատներ հավաքելու գործում Սոցցանցում Փաշինյանին առաջարկում են հանդես գալ «Pupush annayi simpo arjukn em» օգտանվամբ
Ամենաընթերցվածները
Շուտով
Նոյեմբերի 20-ին՝ ժամը 11։00-ին, Հայելի ակումբի հյուրն է Նարե Սոսեն Նոյեմբերի 20-ին՝ ժամը 15։30-ին, Հայելի ակումբի հյուրն է Էլյանորա Մանադյանը Նոյեմբերի 20-ին՝ ժամը 13։00-ին, Հայելի ակումբի հյուրն է Վիգեն Հակոբյանը Նոյեմբերի 20-ին՝ ժամը 14։00-ին, Հայելի ակումբի հյուրն է Նարինե Դիլբարյանը Նոյեմբերի 19-ին՝ ժամը 16։00-ին, Հայելի ակումբի հյուրն է Ռուզաննա Ստեփանյանը Նոյեմբերի 19-ին՝ ժամը 12։00-ին, Հայելի ակումբի հյուրն է Աշոտ Անդրեասյանը Նոյեմբերի 19-ին՝ ժամը 14։30-ին, Հայելի ակումբի հյուրն է Էլյանորա Մանադյանը Նոյեմբերի 19-ին՝ ժամը 13։00-ին, Հայելի ակումբի հյուրն է Նաիրի Հոխիկյանը Նոյեմբերի 19-ին՝ ժամը 11։00-ին, Հայելի ակումբի հյուրն է Րաֆֆի Հովհաննիսյանը Նոյեմբերի 18-ին՝ ժամը 11։30-ին, Հայելի ակումբի հյուրն է Արմենուհի Կյուրեղյանը
Հետևեք մեզ Viber-ում https://cutt.ly/5wn8sJBS
Hayeli.am