3-1.Կարեն Կարապետյանը խաղից դուրս

Hayeli.am-ը մի քանի օր առաջ գրել էր, որ ԱԱԾ նախկին պաշտոնյա Գուրգեն Եղիազարյանը դիմել է նախկին վարչապետեր Հրանտ Բագրատյանին եւ Վազգեն Մանուկյանին՝ լայն կոնսոլիդացիա, ընդդիմադիր բեւեռ ձեւավորելու եւ առանցքում ՀՀ երկրորդ նախագահ Ռոբերտ Քոչարյանի ազատության պահանջն ունենալու նպատակով, երկուսն էլ դրական են արձագանքել: Գրել էինք, որ պատրաստվում է դիմել նաեւ Կարեն Կարապետյանին: Hayeli.am-ին հայտնի դարձավ, որ օրերս հանդիպել է նաեւ Կարեն Կարապետյանին, դրանից մեկ օր հետո վերջինիս հետ հանդիպել  է նաեւ  Վազգեն Մանուկյանը: Կարապետյանը երկուսին էլ նույն պատասխանն է փոխանցել, որ ինքը թեպետ Քոչարյանի ազատության ջատագովներից է եւ այդ պատճառով անձամբ ներկայացավ դատարան, բայց քաղաքականությամբ զբաղվելու ցանկություն չունի, տեղեկացրել է նաեւ, որ սահմանները բացվելուն պես ինքը լքելու է Հայաստանը եւ կմեկնի Մոսկվա: