Փրկարարը փրկել է մոտ 40 մետր բարձրության վրա պատուհանից կախված 5-ամյա աղջնակին

Չինական հարավարևմտյան Յուննան նահանգի Կունմին քաղաքում փրկարար ծառայության աշխատակիցը 5-ամյա աղջնակի է փրկել, որն անզգուշության հետևանքով դուրս է ընկել բարձրահարկ շենքի 13-րդ հարկի պատուհանից և հայտնվել մոտ 40 մետր բարձրության նեղ հարթակի վրա՝ բռնվելով պատուհանի շրջանակից, հայտնում է Daily Mail պարբերականը։

5-ամյա աղջնակն անշարժ կանգնած է եղել, և փրկարարը մոտեցել է նրան ու ետ գցել բնակարան։ Այդ պահին ականատեսները սկսել են բարձր ծափահարել փրկարարին։ Ծնողի խոսքով՝ նա երեխային առաքիչից ապրանք վերցնելու համար մի քանի րոպեով մենակ է թողել, սակայն չի պատկերացրել, որ նման բան կարող է տեղի ունենալ։