Սամվել Ալեքսանյանը, հոպարի բալեն ու Փաշինյանը

Ընդդիմադիր դաշտում համախմբման հեռանկարը իշխանություններին ցայտնոտի մեջ են դրել: Նիկոլ Փաշինյանի պատգամավորները ըստ երեւույթին գիշերում են ֆեյսբուքում, որպեսզի պատասխան տան քաղաքական հակառակորդներին, Նիկոլ Փաշինյանը անմիջապես կազդուրվում է ու փոխում ուժային կառույցների ղեկավարներին, նոր պետեր նշանակում իրեն հավատարիմ մարդկանց, որ նախ դիրքերն ամրապնդի, ապա մսաղաց կիրառի ընդդիմության դեմ: Մոտ մեկ շաբաթ է սկսվել է այդ օպերացիան: Երեկ կորոնավիրուսի դեմ պայքարի քողի տակ ոստիկանները ասֆալտին են փռել նաեւ իշխանություններ սիրելի օլիգարխ, ավելի ճիշտ՝ օլիգարխից սեփականատեր դարձած Սամվել Ալեքսանյանի զարմիկին, նախկին թաղապետ Արտակ Ալեքսանյանին, ինչպես նաեւ նրա կնոջը: Ըստ մամուլի՝ ոստիկանները հորդորել են Ալեքսանյանի զարմիկին լքել սրճարանը, քանի որ պարետի որոշմամբ այն պետք է փակվի, մյուս կողմը դիմադրել է, սկսվել է քաշքշոկ, իսկ դրսում Ալեքսանյանին փռել են ասֆալտին: Նա վնասվածներ ունի, վիրահատել են ականջի թմբկաթաղանթը: Համացանցում տարածված տեսանյութերում ակնհայտ է, որ ոստիանները ակնհայտ կոշտ են, նրանց գործողությունները նմանվում են ցուցադրաբար քայլերի: Պատահական չէ, որ լուրեր տարածվեցին, թե Նիկոլ Փաշինյանն է անձամբ հրահանգել այս օպերացիան, այն ոչ թե Սամվել Ալեքսանյանի զարմիկի դեմ է, այլ իրականում՝ հենց գործարարի: Նիկոլ Փաշինյանը նրան որոշակի մեսիջներ է ուղարկում, փորձելով հասկացնել, թե չշշկռես թեքվես ընկերոջդ՝ Գագիկ Ծառուկյանի կողմը, ով իշխանափոխության հայտ է ներկայացրել, համախմբման կոչ արել ընդդիմադիր գործիչներին եւ անձանց:
Նիկոլ Փաշինյանի անհանգստությունը մի կողմից հասկանալի է, ի վերջո, Սամվել Ալեքսանյանին ճանաչողները գիտեն, որ այս մարդն առաջինն է լքում խորտակվող նավը եւ դավաճանում յուրայիններին, հեղափոխությունից հինգ պակաս Սերժ Սարգսյանը նրա շեֆն էր, Աղվան Հովսեփյանը եւ մյուսները՝ հոպարը, հեղափոխությունից հինգ անց Փաշինյանին պրիզնատ եկավ շեֆի կարգավիճակում, հոպար դարձան Վանեցյանն ու մյուսները… Եւ հիմա էլ Սամվել Ալեքսանյանը նոր հոպարների ու շեֆի հոտ է առնում ու գնում է այդ հետքերով, մյուս կողմից՝ զարմանալի է, որ Փաշինյանը նոր է հասկանում, որ մեկ անգամ եւ որեւէ մեկին դավաճանողը նույնը կանի երկրորդի դեպքում: Այնպես որ կարիք չկա այսպիսի հախուռն քայլերի, քանզի ինչ էլ որ լինի, աշխարհն էլ քանդվի, Ալեքսանյանն այն աշխարհում էլ կգտնի իր հոպար-քեռիներին….

Անի Սահակյան