Բագրատյանն ու Վազգեն Մանուկյանը կողմ են, հերթը Կարեն Կարապետյանինն է
ԱԱԾ նախկին պաշտոնյա Գուրգեն Եղիազարյանը մի քանի օր առաջ հայտարարեց, որ պատրաստվում է դիմել նախկին երեք վարչապետեր Կարեն Կարապետյանին, Հրանտ Բագրատյանին եւ Վազգեն Մանուկյանին, որպեսզի միավորվեն ի աջակցություն ՀՀ երկրորդ նախագահ Ռոբերտ Քոչարյանի: Երեք վարչապետերին միավորվել կարող են նաեւ ՀԿ-ներ ու քաղաքական ուժեր: Մեր տեղեկություններով Եղիազարյանը` հանդիպել է Վազգեն Մանուկյանին, ով բնականաբար դժվար մերժեր առաջարկը, քանի որ նախկին չորս վարչապետերի հետ նա Քոչարյանի կալանքի փոփոխության հարցով երաշխավորություն էր ներկայացրել, բացի այդ բազմաթիվ հայտարարություններ է արել Քոչարյանի կալանքի մասին: Ինչ վերաբերում է Հրանտ Բագրատյանին, ապա, ճիշտ է, նա հնգյակի մեջ չէր , բայց իր բազմաթիվ հարցազրույցներում մշտապես անդրադարձել է երկրորդ նախագահի ձերբակալությանը՝ ասելով, որ անընդունելի է երկրի նախագահին նման անազնիվ ճանապարհով փակի տակ պահել, անգամ ասել է, որ կալանավորված նախագահ ունենալը նշանակում է պաշարված ամրոց ունենալ պետության ներսում: Մեր տեղեկություններով` երկուսն էլ դրական են արձագանքել, իսկ Կարեն Կարապետյանի հետ հանդիպումն էլ կկայանա օրերս:
Հետևեք մեզ Viber-ում
