Փարթի` իշխանական «Ֆերմատանը». կազմակերպել էր Էդուարդ Աղաջանյանը. 168.am

21:39 - 7/հունիսի/2020

Դիտել նաև «Էրդողանի հայտարարությունը ոչ միայն անթույլատրելի է մեզ համար, այլ նաև հակասում է Մոսկվայի հայտարարությանը» Պաշտոնավարման շրջանում՝ $ 205.000, ամսական՝ $ 9.500 պարգևավճար՝ «հեղափոխական ձեռնարկի» հրատարակման համա՞ր Էդուարդ Մարտիրոսյանը` կեղծ օգտատերերի մասին «2019 թ. ՀՀ պատմության մեջ առաջին անգամ երկրի վարչապետը ԱԺ ամբիոնից իր պաշտպանության տակ առավ տրանսգենդերության քարոզը». Էդուարդ Շարմազանով

Մինչ իշխանությունները ժողովրդին մեղադրում են պարետատան սահմանած կանոնները չպահպանելու մեջ, ռեյդեր են իրականացնում, վարչապետը իր էջում կիսվում է տարբեր տեսանյութերով և լուսանկարներով, պարզվում է, որ երեկ ուշ գիշերին վարչապետի աշխատակազմի ղեկավար Էդուարդ Աղաջանյանը «Ցիտադելի» շենքում գտնվող իրեն պատկանող «Ֆերմատան» ակումբում փարթի է կազմակերպել՝ մի քանի տասնյակ մարդու մասնակցությամբ, որին մասնակցել է նաև ինքը։ Այս մասին հայտնում է 168.am-ը:

Այս իրավիճակում ի՞նչ պահանջել շարքային քաղաքացուց, երբ վարչապետի աշխատակազմի ղեկավարը, որը նաև պարետատան անդամ է, ինքն է խախտում պարետատան որոշումները՝ փակ տարածքում, ինչպիսին իր ակումբն է, մի քանի տասնյակ մարդկանց մասնակցությամբ գիշերային ակումբին բնորոշ փարթի է կազմակերպում։

Մեր աղբյուրը պնդում է, որ վերոնշյալ ինֆորմացիայի իսկության մեջ համոզվելու համար բավական է նայել Կորյուն-Տերյան խաչմերուկի ՃՈ տեսախցիկները։ 168․am-ի տեղեկություններով՝ վարչապետի աշխատակազմի ղեկավարի կազմակերպած փարթին տևել է մինչև լուսաբաց։

Հորդորում ենք ԱԱԾ-ին և Ոստիկանությանը՝ ստուգել այս տեղեկատվությունը և պատժել վարչապետի աշխատակազմի ղեկավարին։ Միամտություն կլինի կարծել, թե նա հրաժարական կտա, բայց բոլոր դեպքերում մեր պարտքն ենք համարում հանրությանը իրազեկել վարչապետի աշխատակազմի ղեկավարի նման պահվածքի մասին: