Խոշոր ավտովթար Շիրակի մարզում

Այսօր` մայիսի 6-ին, խոշոր ավտովթար է տեղի ունեցել Շիրակի մարզում: Ժամը 18:10-ի սահմաննրում Գյումրի քաղաքի Շեդրինի 1 հասցեի դիմաց բախվել են ՎԱԶ 2109 մակնիշի 35 AX 314 համարանիշի և BMW մակնիշի առանց համարանիշի ավտոմեքենաները: Ինչպես հայտնում է ֆոտոլրագրող`Գագիկ Շամշյանը` վթարի հետևանքով 09-ի միջից Գյումրիի թիվ 48 հրշեջ փրկարական ջոկատի փրկարարները դուրս են բերել 22-ամյա Գալուստ Մկրտչյանին, 23-ամյա Ավետիք Սահակյանին` օգտագործելով հատուկ տեխնիկա: Մինչ հրշեջ փրկարարների ժամանումը Գյումրիի շտապօգանության ծառայության բժիշկների խումբը Գյումրի բժշկական կենտրոն են տեղափոխել 19-ամյա Սերգեյ Գևորգյանին, 17-ամյա Էդգար Սահակյանին, 17- ամյա Տաճատ Սահակյանին: BMW-ի վարորդը դեպքի վայրից դիմել է փախուստի և ըստ տեղեկությունների BMW-ի վրայից տանելով համարանիշները: Սակայն դեպքի վայրում հավաքվածներն էլ ասում էին, որ BMW-ն եղել է առանց համարանիշների: Դեպքի վայր են ժամանել Ճանապարհային ոստիկանության 2-րդ սպայական գումարտակի, 2 վաշտի աշխատակիցները վաշտի հրամանատար Գագիկ Վարդանյանի գլխավորությամբ, ով վիրավորների մի մասին ուղղեկցել է հիվանդանոց: Հրշեջ փրկարարները հոսանքազրկել են 2 ավտոմեքենաները, և վթարի վայրը պահել այնքան ժամանակ, մինչև ժամանել են ոստիկանության Գյումրու բաժնի ծառայողները: Վթարի մասին ճանապարհային ոստիկանության օպերատիվ կառավարման կենտրոնի պատասխանատու հերթապահ Արմեն Հարությունյանը տեղեկությունը փոխանցել է ՀՀ քննչական կոմիտեի, Շիրակի մարզային քննչական վարչություն, որտեղից ժամանել է քննչական խումբը: Ֆոտոլրագրողի տեղեկություններով վիրավորներից 3-ի առողջական վիճակը ծայրահեղ ծանր է, իսկ մնացածինը` կայուն ծանր: Փաստի առթիվ ավագ քննիչ Արմեն Գյոզալյանի կողմից նյութեր են նախապատրաստվում: Ոստիկանությունն ու քննչական բաժինը պարզում են BMW-ի վարորդի ինքնությունը: Գ. Շամշյանի տեղեկություններով BMW-ն վարել է Էդգար Գրիգորյանը, իսկ 09-ը Գալուստ Մկրտչյանը: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: