Անպատասխանատվության բոլոր թելերը տանում են դեպի Նիկոլ Փաշինյան
Պատասխանատվություն բառը վերջին օրերին չափազանց շատ է լսվում, և՝ տեղին․․
Շատերի համար է ակնհայտ, որ մեր երկրում գործող իշխանությունը, վարչապետի գլխավորությամբ, օրենսդիր մարմինը, դատականը և այլք, չունեն պատասխանատվության զգացողություն։
Անպատասխանատվության բոլոր թելերը տանում են դեպի Նիկոլ Փաշինյան, քանի որ եթե մեր երկրում կա մեկը, ով առհասարակ չգիտի պատասխանատվություն բառը, դա Նիկոլն է։
Անպատասխանատու վարչապետն անպատասխանատու քայլեր է կատարում։
Ակնհայտ է, որ վտանգված է մեր հասարակության անվտանգությունը և ապահովությունը։
Պատասխանատու լինել, նշանակում՝ պատասխան տալ յուրաքանչյուր քայլիդ համար, յուրաքանչյուր որոշմանդ համար, յուրաքանչյուր գործողության համար։
Պատասխանատու լինել, նշանակում է գիտակցել պահի լրջությունը։
Պատասխանատու լինել, նշանակում է ունենալ պետական մտածողություն։
Պատասխանատու լինել, նշանակում է թասիբ ունենալ։
Նիկոլը բոլորին պատասխանատու է հայտարարում, բոլորին՝ իրենից բացի․․
Վիրուսը եկավ և շատ ճշգրիտ տեղորոշվեց մեր հանրապետությունում, շատ արագ տարածվեց, որովհետև վարչապետի աթոռին նստածը հիմնովին զուրկ է պատասխանատվությունից, ընդ որում, ոչ միայն անպատասխանատու է, այլև՝ ցինիկ։ Այն պահին, երբ ամբողջ աշխարհում լրջանում էին և զգաստանում, մերինները ցինիզմի իրենց գերհագեցած չափաբաժնով ֆռֆռում էին, բրոշյուրներ էին բաժանում, արտերկրից եկած անձանց հանգիստ տուն էին ուղարկում, մի խոսքով, հույսները երևի Աստծու վրա դրած, պարգևատրվում և ինքնապարգևատրվում էին։ Եվ, ահա, վիրուսը, աշխարհ անցավ, եղավ բոլոր երկրներում, տեսավ նրանց պատրաստվածությունը, զգաց այլոց պատասխանատվության լրջությունը, ապա, սահուն եկավ ու լռվեց մեր երկրում։ Այստեղ վիրուսն իրեն սկսեց զգալ ինչպես իր տանը։
Եվ մարտի կեսերից հայտարարված կարանտինը, որը կարելի է ասել, համեմատաբար լուրջ անցավ և մարդիկ բոլորը զգաստացան, ինքնամեկուսացվեցին և սթափվեցին /մենք՝ հարազատներով, օրինակ, մոտ մեկուկես ամիս իրար չտեսանք, չգնացինք-չեկանք․․․․Կարգապահ պահպանեցինք պայմանները։
Ո՞վ խախտեց կարանտինը, դարձյալ՝ կառավարությունը, իր տխրահռչակ վարչապետով։ Եվ այսօր,ինչ-որ տեղ կարդացի, թե մի քննադատեք, թողեք թող աշխատի։ Ձեռքն ենք բռնե՞լ, թե՝ ոտքը, թող աշխատի, մուրճն էլ է իր ձեռքը, մեխն էլ։ Պիտի պատասխանատու լինի և պիտի կարողանա, որ աշխատի, էս մարդը չի կարողանում, նրան անկարողությունն է խանգարում և անպատասխանատվությունը և ոչ թե մեր քննադատությունը։Հակառակը, քննադատությունը միտված է օգնել։ Ավա՜ղ․․․
Կարանտինի երկրորդ փուլում ինչ-որ աշխատատեղեր իբր բացվեցին, երբ տրանսպորտը չէր աշխատում,աբսուրդ, սրճարանները բացվեցին, երբ վարակակիրների և մահերի թիվը մեծանում էր, զավեշտ․․․
Այս ամբողջ «կաշ-կալամաշը»,ցավոք, բոլորս տեսանք։
Հիմա, երբ վարչապետական ընտանիքը հայտարարում է, թե ինքն էլ է վիրուսակիր, ցավալի է, բայց ոչ ոք չի հավատում․․ Մարդիկ չեն հավատում, ոչ այն պատճառով, որ չար են ու նախանձ, այլ այն պարզ պատճառով, որ վարչապետի ստերը այնքան շատ են ու անչափելի, որ անգամ այս վատ լուրը ոչ մեկը լուրջ չի ընդունում։Եթե իրոք հիվանդ են, սրտանց առողջություն եմ մաղթում․․
Հիշո՞ւմ եք հայտնի ասացվածքը՝ սուտասանի տունը հրդեհվեց, ոչ ոք չհավատաց։
-Սրա վերջը ի՞նչ է լինելու,-հարցնում են բոլորը՝ երբեմնի նիկոլականները, նախկինները, ներկաները, ապագաները, հայտնիները և անհայտները․․
Բոլորին հետաքրքրում է ՝ լավ, բա սրա վերջը ի՞նչ է լինելու, մինչև՝ ե՞րբ ենք էս վիրուսը պահելու․․․
Պատասխանը պարզ է․
Ա․ քանի դեռ Նիկոլը չի հեռացել, վիրուսը չի հեռանալու
Բ․ քանի դեռ Նիկոլը չի հեռացել, ճգնաժամը չի հեռանալու
Գ․ քանի դեռ Նիկոլը չի հեռացել, ներդրումներ չեն լինելու
Դ․ քանի դեռ Նիկոլը չի հեռացել, կարգ ու կանոն չի լինելու
Ե․ քանի դեռ Նիկոլը չի հեռացել, ժողովուրդը լավ չի ապրելու
Զ․ քանի դեռ Նիկոլը չի հեռացել, աշխատատեղեր չեն բացվելու
Է․ քանի դեռ Նիկոլը չի հեռացել, մեղավորը միշտ ժողովուրդն է լինելու
Ը․ քանի դեռ Նիկոլը չի հեռացել, դուք դիմակ եք կրելու
Մարգարիտ Եսայանի ֆեյսբուքյան էջից
Հետևեք մեզ Viber-ում
