Նիկոլ Փաշինյանը պայթեցրեց խուճապը. հաշվեցեք նաև մի վերջին անգամ, թե որքան է մահացության թիվը առանց կորոնավիրուսի

«Որքան էլ զարմանալի թվա՝ 2020-ի առաջին վեց ամիսներին ավելի քիչ մահ է գրանցվել, քան 2019-ին, ավելին՝ 2020-ի մայիսին, նախորդ տարվա համեմատ, 320-ով պակաս մահ է գրանցվել ՀՀ-ում: Այս երևույթի հետևանքն այն է, որ չնայած համաճարակային մեծ աղմուկին` մարդիկ սկսել են ավելի քիչ լսել մահվան դեպքերի մասին:

Սա ենթագիտակցական որոշակի ազդեցություն ունենալ չի կարող: Կա երկու պատճառ՝ նախ, կորոնավիրուսը կլանել է սովորաբար տեղի ունեցող մահերը, և այն մարդիկ, որոնք նախորդ տարի մահացել են այլ պատճառներից, այս տարի մահացել են կորոնավիրուսից: Ինչո՞ւ են ավելի քիչ մահացել. քանի որ այս տարի ավելի շատ մարդ է բուժվել ոչ միայն կորոնավիրուսից, նաև այլ հիվանդություններից»: Պարետատան հերթական նիստից հետո հայտարարել է կորոնավիրուսոբ վարակված վարչապետ Նիկոլ Փաշինյանը և հավելել, թե ընդհանուր առմամբ 2020 թվականի հունիսին 2019-ի նույն ժամանակահատվածի համեմատ` հանրապետությունում արձանագրված մահվան դեպքերի թիվը 357-ով ավելի քիչ է եղել:

Նիկոլ Փաշինյանի պատահաբար կամ հատուկ նպատակով արված այս խոստովանությունը փաստում է, որ կորոնավիրուսի շուրջ առաջացած հանրային աժիոտաժը անհիմն է: Այսպես թե այնպես, որոշակի թվով մահվան դեպքերն անխուսափելի են, դրանք միշտ եղել են և լինելու են: Փաշինյանի հայտարարության հետ կապված մի շատ տրամաբանական հարց. եթե մեզ ու աշխարհին պատուհասած կորոնավիրուսը չլիներ, մեր երկրում մահվան դեպքեր լինելո՞ւ էին, թե՞ չէին լինելու: Հարցը հռետորական է, որովհետև մարդիկ մահանում են ոչ միայն կորոնավիրուսից, այլ տարբեր այլ հիվանդություններից ևս: Վերջապես կա նաև բնական մահ, որն անխուսափելի է: Եթե ապավինենք վիճակագրությունը և գնահատենք իրավիճակը, ապա ստացվում է, որ կորոնավիրոսը մեր երկրում դրական ազդեցություն է ունեցել մահվան թվանիշի վրա, որովհետև մահացողների թիվը նվազել է:
Հիմա պետք է մասնագիտական բացատրություն տալ Նիկոլ Փաշինյանի այն պնդմանը, թե այդ ինչպես է պատահել, որ մարդիկ, որոնք նախորդ տարի մահացել են այլ պատճառներից, այս տարի մահացել են կորոնավիրուսից: Այսինքն` Փաշինյանի այս հայտարարությամբ անուղղակիորեն ապացուցվում է շրջանառվող այն տեղեկատվությունը, թե արձանագրված մահվան դեպքերը որակվել են որպես կորոնավիրուսի հետևանք, անկախ պատճառներից և հանգամանքից: Ինչպես ասում են` ծուխն առանց կրակ չի լինում, մարդիկ խոսում են, որ հիվանդանոցներում մարդկանց համատարած առաջարկվում է` բոլոր մահացածների մահվան թղթերի մեջ գրել, թե մահվան պատճատը վիրուսն է: Ըստ էության, այս խոսակցությունները մտացածին չէին, և վարչապետի խոստովանությունը դրա անուղղակի ապացույցն է: Կորոնավիրսուսի ծանր և անդառնալի հետևանքների համար հանրային կյանքն ու տնտեսությունը կաթվածահար անելու պետական քաղաքականությունը հիմնավոր կլիներ, եթե մահվան դեպքերի աճ ունենայինք: Փառք աստծո, որ այդպես չէ: Այդ դեպքում հարց է առաջանում. ինչո՞ւ ենք զոհում առանց այդ էլ մահամերձ տնտեսությունը: Պարետատունը այս հարցերի պատասխանն ունի՞: Ամեն դեպքում, Նիկոլ Փաշինյանն իր հայտարարությամբ պայթեցրեց պարետատան վարած հակաճգնաժամային ծրագիրը: 

 Հայկ  Դավթյան